Lajme

Sindikatat zhgënjehen, qeveria nuk e rrit pagën minimale

Qeveria e RMV- së duket se nuk e ka ndërmend të rrisë pagat minimale. Takimi i sotëm në mes këshillit ekonomiko social, sindikatave dhe punëdhënësve përfundoi pa epilog pozitiv. Ministri i Ekonomisë dhe punës Besar Durmishi pas përfundimit të takimit tha se kjo qeveri nuk do të punojë si qeveria e kaluar dhe nuk do ti rrisë pagat AD HOC në kohën kur siç thotë ai kemi inflacion . Madje sipas tij RMV është me pagë më të lartë se Greqia, Portugalia, Mali I Zi e tj.

BESAR DURMISHI, MINISTËR I EKONOMISË DHE PUNËS

”Duhet të merren parasysh të gjitha parametrat, duhet të shihen punët nga çdo këndvështrim. Nuk mund ne të bëjmë një hap të tillë dhe pas tij të kemi menjëherë inflacion të lartë. Pa u rritur produktiviteti I pagave nuk mundemi ne të rrisim pagën minimale. Janë rritur pagat në sektorin publik. Ne nuk do të udhëheqim politika si qeveria e kaluar, sepse duhet ta shikojmë edhe produktivitetin e punës. Të ju jap disa të dhëna, page më të lartë minimale në kontinentin evropian ka Gjermania dhe këtu është Maqedonia e Veriut pas RMV-së janë Portugalia, Greqia, Mali i Zi”.

Të zhgënjyer nga takimi I sotëm dolën të jenë edhe lidhja e sindikatave të RMV-së. Kreu I saj Sllobodan Trendafilov, pas takimit tha se nuk janë të kënaqur nga ky takim pasi që sipas tij nuk kishte vullnet nga qeveria për rritje të pagave minimale.

SLLOBODAN TRENDAFILOV KRYETAR I LSM-SË

“Fatkeqësisht, një zhgënjim i madh, nuk ka asnjë perspektivë për rritjen e pagës minimale. Ajo që dëgjuam brenda është se LSM kërkoi shumë, se punëtorët kërkojnë shumë dhe se kanë pasur mjaftueshëm, se me ato paga duhet të jemi të lumtur që po i marrim. Ajo që është shqetësuese është se ata që nuk ishin të gatshëm të diskutonin për rritjen e pagës minimale ishin të përgatitur dhe në përputhje me pikëpamjet e punëdhënësve”.

Trendafilovski tha se deri në mesin e muajit të ardhshëm do të kenë takim të Kryesisë dhe Këshillit të LSM-së ku do të vendosin se çfarë hapash të mëtejshëm do të ndërmerren.

Lajme

Alpinisti i vdekur në Majën e Titos është nga fshati Xhepçisht?!

Personi që humbi jetën sot në zonën e “Kodrës së Diellit”, përkatësisht në afërsi të Majës së Titos, mësohet se është nga fshati Xhepçisht i Komunës së Tetovës, mëson tetova1

Sipas informacioneve të para, bëhet fjalë për një person mbi 70-vjeç, i cili kishte dalë në zonën malore si alpinist. Për shkak të terrenit të vështirë dhe të paarritshëm me mjete të zakonshme, trupi i pajetë është transportuar me helikopter nga zona malore. Autoritetet pritet të japin më shumë detaje lidhur me rrethanat e ngjarjes./tetova1.mk

Lajme

Maran e la jashtë listës së Kombëtares, reagon Jasir Asani

Jasir Asani ishte një nga befasitë e trajnerit Maran, pasi mëngjarashi nuk ishte pjesë e listës me 29 futbollistë të grumbulluar për 4 ndeshjet e kombëtares në Ligën e Kombeve.

Këtë Asani nuk e ka “kapërdirë” dot dhe ka reaguar në rrjetet sociale. Asani ka “ironizuar”, me dy postime të bëra.

“Po rri urtë, se e di veten. Historia nuk harrohet kurrë. Më mirë të mos flas më…”, shkruan Jasir Asani në rrjetet sociale.

Lajme

Këto janë të dhënat që nuk duhet t’ia jepni ChatGPT-së

ChatGPT është bërë pjesë e përditshmërisë së shumë njerëzve, të cilët e përdorin për gjithçka, nga recetat dhe CV-të, deri te këshillat për shëndetin dhe problemet në punë.

Por përdorimi gjithnjë e më i madh i chatbotëve po ngre shqetësime te ekspertët e privatësisë, të cilët paralajmërojnë se disa informacione personale dhe konfidenciale nuk duhet të ndahen në bisedat me inteligjencën artificiale.

Sipas ekspertëve të cituar nga “HuffPost”, përdoruesit duhet të shmangin ndarjen e të dhënave që mund t’i identifikojnë drejtpërdrejt.

Të dhënat personale

Emri i plotë, adresa, numri i telefonit, numri personal, të dhënat e pasaportës, patentës apo dokumenteve të tjera zyrtare janë ndër informacionet që këshillohet të mos ndahen.

Ekspertët rekomandojnë që edhe para ngarkimit të një dokumenti për analizë të hiqen të dhënat që mund të identifikojnë personin.

Problemet dhe informacionet intime

Komunikimi natyral me chatbotët mund t’i bëjë përdoruesit të ndajnë histori familjare, probleme personale apo informacione intime.

Ekspertët paralajmërojnë se një chatbot nuk duhet trajtuar si psikolog, mjek apo avokat, pasi nuk ka të njëjtat detyrime profesionale dhe ligjore për konfidencialitet.

Dokumentet mjekësore
Raportet mjekësore dhe analizat laboratorike mund të përdoren për të marrë shpjegime nga inteligjenca artificiale, por këshillohet që paraprakisht të fshihen emri, datëlindja, numri personal dhe të dhënat e tjera identifikuese.
Informacionet e kompanisë

Raportet e brendshme, kontratat, të dhënat e klientëve, kodet burimore dhe dokumentet që mbrohen nga marrëveshjet e konfidencialitetit nuk duhet të ngarkohen pa autorizim.

Një veprim i tillë mund të krijojë probleme ligjore, kontraktuale ose rregullatore për punonjësin dhe kompaninë.

Të dhënat financiare

Numrat e llogarive bankare, të dhënat e kartave të kreditit, informacionet mbi investimet, të ardhurat dhe deklaratat tatimore janë gjithashtu informacione që duhet të mbahen larg chatbotëve.

Ekspertët këshillojnë përdoruesit të kontrollojnë cilësimet e privatësisë në platformat e inteligjencës artificiale dhe, kur është e mundur, të kufizojnë përdorimin e bisedave për trajnimin e modeleve.

Një alternativë është përdorimi i pseudonimeve ose përshkrimeve të përgjithshme në vend të emrave dhe të dhënave reale, duke i dhënë chatbotit kontekstin e nevojshëm pa ekspozuar informacionet personale apo konfidenciale.