Lajme

Strugë, tentuan të vrasin një person, arrestohen të dyshuarit

Një incident ndodhi në Strugë, ku dy persona tentuan të vrasin një person tjetër. Ngjarja është regjistruar nga policia dhe janë ndërmarrë masa të përshtatshme.

“Më 02.08.2025, në orën 22:20, përpara një objekti tregtar në rrugën ‘Marks dhe Engels’ në Strugë, D.U. e ka sulmuar fizikisht A.A. (31) nga fshati Koreshishtë, ndërsa V.B. e ka goditur disa herë me thikë në bark, dhe A.U. (38), gjithashtu nga i njëjti fshat, është lënduar në dorë. Me ndërhyrje të menjëhershme të zyrtarëve policorë, sulmuesit janë arrestuar dhe ndaluar në SPB Strugë,” tha Stefan Dimovski, zëdhënës i SPB Ohër.

Menjëherë pas incidentit, Prokuroria Themelore Publike në Strugë hapi procedurë hetimore kundër dy personave të përfshirë në ngjarje.

Sipas hetimit, i dyshuari kryesor ka tentuar t’i marrë jetën viktimës për shkak të marrëdhënieve të prishura mes tyre. I dyshuari i dytë, duke drejtuar një automjet “BMW X6”, ka ndihmuar në kryerjen e veprës duke i bllokuar rrugën automjetit tjetër (“Golf 7”), në të cilin ndodhej viktima dhe një pasagjer tjetër.

“Të dy të dyshuarit kanë dalë nga makina dhe u janë afruar viktimave, duke i sulmuar fizikisht – fillimisht me grushta. Në një moment, i dyshuari kryesor ka nxjerrë thikën dhe ka goditur disa herë viktimën në bark, pjesën e sipërme të krahut dhe qafë, duke i shkaktuar plagë të rënda trupore,” thuhet nga Prokuroria Publike.

Sipas prokurorisë, edhe personi i dytë që ndodhej në makinë me viktimën ka tentuar të ndërhyjë për të ndalur sulmin, por edhe ai është sulmuar nga i njëjti person dhe është plagosur me thikë në dorë.

Të dy të dyshuarve u është caktuar masa e paraburgimit, njofton SPB Ohër.

“SPB Strugë ka ngritur kallëzim penal ndaj V.B. (36) dhe D.U. (37), të dy nga fshati Koreshishtë, Strugë, për shkak të dyshimit të bazuar se V.B. ka kryer veprën penale ‘tentativë për vrasje’. Gjyqtari i procedurës paraprake ka caktuar masën e paraburgimit prej 30 ditësh për të dy të dyshuarit,” deklaroi Dimovski.

Procedura për zbardhjen e plotë të rastit është në zhvillim, si dhe masat shtesë që do të merren kundër dy personave dhe shkaqet që çuan në këtë ngjarje.

Lajme

I dha 15 mijë euro ryshfet për të dalë nga burgu, mbeti edhe në burg edhe pa para

Një i dënuar nga burgu i Prilepit raportoi se është mashtruar me 890,000 denarë (rreth 15 mijë euro), pasi një person i premtoi se do ta ndihmonte ti ulej dënimi me burg.

Sipas raportit të paraqitur në Sektorin e Punëve të Brendshme të Prilepit, mashtrimi ka ndodhur gjatë dy muajve të fundit, transmeton Lideri.mk. I dënuari deklaroi se personi K.K. e kishte bindur se kishte një mënyrë për të ndërmjetësuar për uljen e dënimit dhe i kishte dhënë para disa herë.

Pasi kuptoi se premtimet nuk po përmbusheshin dhe se ishte mashtruar, ai e raportoi rastin në polici. Institucionet kompetente po marrin masa për të sqaruar incidentin dhe për të përcaktuar të gjitha rrethanat./Lideri

Lajme

Kasami: Ndeshje spektakolare me një frymë të vërtet vëllazërore

Kryetari i Komunës së Tetovës dhe një nga liderët e koalicionit VLEN, Bilall Kasami, ka reaguar pas ndeshjes mes KF Shkëndija dhe Shkëndijës së Haraçinës, duke e cilësuar atë si një përballje spektakolare dhe me atmosferë të veçantë sportive, përcjell tetova1

Kasami përgëzoi ekipin e KF Shkëndija për fitoren, ndërsa vlerësoi edhe paraqitjen dhe karakterin e treguar nga skuadra e Shkëndijës së Haraçinës.

Kasami bëri të ditur se ndeshjen e ndoqi nga afër në tribunë, së bashku me kryetarin e Komunës së Haraçinës, Daut Beqiri.

Postimi i plotë i Kasamit:

“Ndeshje spektakolare, e mbushur me gola dhe me një frymë të vërtetë vëllazërore në fushë. Urime fitoren KF SHKËNDIJA dhe një bravo të madhe për Shkëndijën e Haraçinës për lojën dhe karakterin e treguar!

Në tribuna, bashkë me kryetarin e Haraçinës, Daut Beqiri!”, ka përfunduar Kasami./tetova1.mk/

Lajme

MPB me njoftim të rëndësishëm për sistemin “Safe City”

Ministria e Punëve të Brendshme njofton qytetarët se nuk ka nevojë të sjellin faturat për gjobat e paguara nga sistemi i trafikut “Safe City” që i kanë paguar në bankë ose elektronikisht në stacionin e policisë.

Sistemi i Ministrisë së Punëve të Brendshme lidhet automatikisht me sistemin e Ministrisë së Financave dhe qytetarët janë të detyruar të plotësojnë fletëpagesën sipas udhëzimeve ligjore të procesverbalit, që do të thotë se numri unik nga procesverbali duhet të futet saktë në seksionet “numri i thirrjes” dhe “qëllimi i pagesës” të fletëpagesës.
U bëjmë apel qytetarëve që të mos e sjellin faturën e gjobave të paguar në stacionin e policisë, me qëllim që të kursejnë kohë dhe të shmangin turmat e panevojshme.