Ish-kandidati nga VLEN për kryetar të Komunës së Bërvenicë, Haqim Ramadani, ka reaguar ashpër ndaj menaxhimit të mbeturinave në këtë komunë, duke ngritur shqetësime për rritjen e çmimeve dhe cilësinë e shërbimeve, përcjell tetova1

Sipas tij, komuna po tenton për herë të dytë të favorizojë të njëjtën ndërmarrje për mbledhjen e mbeturinave, duke dëmtuar drejtpërdrejt buxhetin e qytetarëve. Ai thekson se, ndonëse kontrata e partneritetit publiko-privat përcakton obligime të qarta, ndërmarrja nuk i përmbush ato, ndërsa në vend të masave, çmimet janë rritur.

Ramadani gjithashtu ka kritikuar trajtimin e mërgimtarëve dhe ka përmendur se disa zona, si fshati Gurgunicë, nuk mbulohen me shërbim, duke i detyruar banorët të përballen vetë me mbeturinat.

Postimi i plotë:

“Rritje çmimesh, shërbim zero: kush po e mbron këtë skemë në Komunën e Bërvenicës?

Komuna e Bërvenicës po tenton për herë të dytë të favorizojë të njëjtën ndërmarrje për mbledhjen e mbeturinave, duke e dëmtuar drejtpërdrejt buxhetin e qytetarit.

Edhe pse kontrata e partneritetit publiko-privat përcakton qartë të drejtat dhe obligimet, ndërmarrja nuk i përmbush ato. Në vend të masave, komuna rrit çmimin në 400 denarë për çdo amvisëri.

Skandali më i madh: mërgimtarët detyrohen të paguajnë paushall vjetor edhe pse nuk gjenerojnë mbeturina dhe nuk marrin shërbim. Madje për çdo thes shtesë u kërkohen para, ndërkohë që cilësohen si jo-rezidentë. Pagesa pa shërbim – e papranueshme!

Sipas kontratës, shërbimi duhet të mbulojë gjithë territorin, por fshati Gurgunicë lihet jashtë dhe banorët detyrohen vetë të pastrojnë deponitë ilegale.

Pse kjo kompani favorizohet vazhdimisht? A ka interesa të fshehura pas këtij partneriteti? Pse po rëndohet buxheti i qytetarit në vend që të lehtësohet? Komuna a duhet ta mbroje qytetarin apo permes formave të ndryshme plackit qytetarin.

Komuna duhet të jetë në shërbim të qytetarit – jo kundër tij.”, ka përfunduar Ramadani./tetova1.mk/

Më datë 25.04.2026, në ora 09:30, në SPB Shkup, nga Kompleksi i Klinikave “Nënë Tereza” është denoncuar se më 20.04.2026, në ora 11:15, me lëndime të rënda trupore është dërguar personi N.M. (80) nga fshati Luboten i Shkupit.
​Sipas denoncimit, ai i ka marrë lëndimet në oborr, derisa po rregullonte traktorin e tij, i cili është vënë në lëvizje dhe e ka shtypur. Më 25.04.2026, në ora 06:00, N.M. ka ndërruar jetë, ndërsa trupi i të ndjerit është dorëzuar për obduksion.

Kryetari i Tetovës, Bilall Kasami, këtë fundjavë ka zgjedhur një qasje ndryshe për angazhimin në terren, duke iu bashkuar drejtpërdrejt punëtorëve të ndërmarrjes publike komunale në mirëmbajtjen e hapësirave të gjelbra.

I veshur me tuta Kasami ka kapur mprerësen e barit dhe ka marrë pjesë në punimet për rregullimin e parkut pranë Xhamia e Pashës në Tetovë.

Në një postim në rrjetet sociale, ai bëri të ditur se së bashku me drejtorin dhe punëtorët e NPK-së kanë punuar për mirëmbajtjen e parkut, duke e përshkruar angazhimin si një të diel pune.

“Së bashku me drejtorin dhe punëtorët e NPK-së, punuam për mirëmbajtjen e parkut te Xhamia e Pashës! E diela me punë”, ka shkruar Kasami./Zyrtare.net/