Lajme

Reshjet e shiut, Komuna Tetovës merr masa për urën në lagjen Dardania

Ndërmarrja Publike Sharri do të merr masa të përkohshme për lirimin e urës në lagjen Dardania, e cila bllokohet pas reshjeve të shiut. Drejtori i Ndërmarrjes Publike Sharri Valon Zeqiri tha se ditëve në vijim do të pastrohet me makinerinë e ndërmarrjes dhe zjarrfikësve, ndërsa më pas do vendoset edhe një pompë për thithjen e ujit, deri në fillimin e projektit për kanalizimin atmosferik të kësaj pjese.

“Do bëhet një zgjidhje e përkohshme. Presim rregullimin e kohës dhe aty do filloj pastrimi i linjave ekzistuese për linjat fekale që janë në atë vend dhe do të vendosim një pompë të përkohshme që do ta pastroj ujin gjatë reshjeve, deri në zgjidhjen përfundimtare të këtij projekti”, tha Valon Zeqiri. Drejtor i NPK SHARRI.

Nga komuna e Tetovës thonë se tenderimi i projektit ka përfunduar dhe për të njëjtin janë ndarë rreth 16 milion e 500 mijë denarë ndërsa do ketë një gjatësi prej 950 metrave dhe thellësi prej 4.5 metrash.

“Projekti veçmë është gati por ka ngel shkaku kushteve klimatike por shumë shpejtë do fillojnë punimet aty. Ne nuk duam ta zgjidhim shkel e shko atë problematikë të mledhjes së ujit andaj ajo zonë duhet të merr një herë e për gjithnjë fund dhe brenda një viti aty nuk do ketë më mledhje uji. Krejt procedurat janë në rregull dhe sic thash shpejtë pritet të fillojnë edhe punimet”, tha Albi Qamili.,zvkryetar i komunës së Tetovës.

Përveç urës në pjesën e poshtme të Tetovës, pikë kritike ku më së shpeshti grumbullohet uji është edhe kjo pjesë këtu tek kazerma e qytetit. Ndryshe, nga vërshimet e fundit të të reshurave të para dy viteve, pësuan dëme edhe objektet që shihni pas meje, e të cilave dëmshpërblimi nuk iu është dhënë ende.

Ndërmarrja Publike Komunale Sharri, ka marrë nismë kundër një pjese të banorëve të cilët janë kyçur në të zezë dhe bëjnë keqpërdorimin e ujësjellësit apo kanalizimit. Nga java e ardhshme, inspektorët do bëjnë kontrolle në disa pika të dyshimta në qytet, ku ka dyshime për keqpërdorime të këtilla. Të njëjtët mund të gjobiten nga 500 deri në 2000 euro, sepse sipas Ndërmarrjes, pikërisht shkaku i kyçjeve të këtilla, apo edhe nxjerrjes ë ujit në rrugë, ndodhin mungesa të ujit për pije apo bllokime të kanalizimit në disa pjesë./Alsat.mk

Lajme

Gjendet pa shenja jete një grua në Mavrovë, ja detajet

Një grua 58-vjeçare është gjetur pa shenja jete në një shtëpi vikendi në Hanet e Mavrovës. Rasti është raportuar në Stacionin Policor të Mavrovës, ndërsa mjeku ka konstatuar vdekjen pa shenja dhune. “Me urdhër të prokurorit publik, trupi i pajetë është dërguar për obduksion”, njoftojnë autoritetet.

Lajme

Azir Aliu: Do t’i japim fund mitos në shëndetësi

Ministri i Shëndetësisë, Azir Aliu paralajmëroi se përmes rregullimit të listës së pritjes së pacientëve për ndërhyrje kirurgjike do të ndalohet praktika e mitos për këtë çështje.

Megjithatë, qytetarët thonë se realiteti në terren vazhdon të jetë ndryshe. Sipas tyre, pa ryshfet dhe pa ndërhyrje nga njohjet, procedurat shpesh vonohen, duke i detyruar pacientët të presin me muaj të tërë për ndërhyrje.

“Nëse nuk ke miq, nuk ke asgjë. Çfarë të ju them….shkurtë e qartë nëse ke para ke menjëherë operacion, nëse nuk ke para nuk të përfillin”, u shpreh një qytetarë.

“Po pritet, mundet një muaj, dy ose më shumë …. kam pasur operacion për hernia, kam miq dhe më kanë përfunduar punë menjëherë”, tha një tjetër qytetarë.

“Përafërsisht për gruan time kam pritur gjashtë muaj”, theksoi një qytetarë.

“Me aq sa di është shumë vështirë, pasi nuk kanë personel, por shëndetësinë e kemi katastrofë. Ishim fantastik, tani jemi zero”, tha një qytetare.

“Më mirë mos më pyesni, pasi që gjithçka është kaos. Nëse ju them se për dopler të arterieve karotide kam pritur nga tetori deri në muajin mars, dhe në fund përsëri nuk kam kryer punë”, deklaroi një qytetarë.

“Nuk e di saktësisht, por e di se pritet shumë”, u shpreh një qytetarë.

Problemi me listën e pritjes për terminë ende nuk është tejkaluar. Drejtoresha e Klinikës së specializuar për mjekësi geriatrike dhe paliative, thekson se situata më shqetësuese mbetet për pacientët me demencë.

“Problemi në repartin e Geriatirsë, veçanërisht problemi me pacientët e kategorisë me demencë nuk është tejkaluar. Problemi qëndron ende, pasi që kapacitetet janë të njëjta nuk janë zmadhuar…në ndërkohë e dini se ka pasur skandale në sektorin privat, dhe ne jemi gjendur në një presion më të lartë për akomodimin e pacientëve. Zgjidhje të menjëhershme për këtë problem nuk është e mundur”, theksoi drejtoresha e Klinikës së Geriatrisë, Lençe Nelloska.

Lajme

Trump “nuk ka gjasa të pranojë” propozimin e Iranit për t’i dhënë fund luftës

Presidenti i SHBA-së, Donald Trump, sinjalizoi se nuk ka gjasa të pranojë propozimin më të fundit të Iranit për t’i dhënë fund luftës, pasi Teherani propozoi një plan për rihapjen e Ngushticës së Hormuzit, duke lënë çështjet për programin e tij bërthamor për negociata të mëvonshme, raportoi CNN, duke cituar dy burime të njohura me çështjen, transmeton Anadolu.

Sipas raportit, Trump përcolli qëndrimet e tij gjatë një takimi të së hënës me zyrtarë të lartë të sigurisë kombëtare ku u diskutua Irani, me një burim që tha se presidenti amerikan nuk ka gjasa të pranojë planin që i është dërguar SHBA-së gjatë ditëve të fundit.
Hapi i radhës i Trumpit mbeti i paqartë, thuhet në raport, duke shtuar se zyrtarët amerikanë janë ende të shqetësuar për atë që e quajnë përçarje të brendshme brenda udhëheqjes së Iranit dhe nuk është e qartë se kush mban autoritetin përfundimtar mbi çdo marrëveshje të mundshme.

Megjithatë, publikisht, Trump ka shprehur dyshime për rifillimin e fushatës së bombardimeve të SHBA-së, e cila aktualisht është pezull pasi ai zgjati armëpushimin javën e kaluar.

Shtëpia e Bardhë nuk ka dhënë detaje mbi formën ose drejtimin e negociatave në vazhdim.

“Këto janë diskutime diplomatike të ndjeshme dhe SHBA-ja nuk do të negociojë përmes mediave. Siç ka thënë presidenti, Shtetet e Bashkuara kanë në dorë letrat dhe do të bëjnë vetëm një marrëveshje që vendos në radhë të parë popullin amerikan, duke mos lejuar kurrë Iranin të ketë një armë bërthamore”, i tha CNN-it ndihmës-zëdhënësja e Shtëpisë së Bardhë, Olivia Wales.