Lajme

VLEN: Edhe një pishinë moderne për Çairin, investim prej një milion eurove

VLEN po vazhdon me punë të mira dhe projekte konkrete që ndryshojnë jetën e qytetarëve, ndërsa Çairit po i shtohet edhe një investim i rëndësishëm në sport dhe rini.

Me investimin prej rreth një milion euro po ndërtohet edhe një pishinë moderne, e dyta me radhë në territorin e komunës së Çairit, e cila do t’i shërbejë brezit të ri dhe gjithë komunës. Bëhet fjalë për kushte bashkëkohore për çdo nxënës që dëshiron të mësojë notin, të garojë dhe të zhvillohet.

Ky është VLEN. Ky është vizioni i Izet Mexhitit, i cili me projekte të mëdha po e transformon Çairin.

Pishina me 25 metra gjatësi, 8.80 metra gjerësi dhe me thellësi të përshtatshme për mësim dhe stërvitje do të krijojë mundësi të reja për zhvillimin e sportit dhe të talenteve të rinj. Aty do të trajnohen trajnerë dhe shpëtues të rinj, ndërsa do të organizohen edhe gara dhe aktivitete sportive që e ngrenë sportin në një nivel tjetër.

Ky objekt vendos një standard të ri, sepse shënon ndërtimin e një infrastrukture që prodhon disiplinë, shëndet dhe sukses.

Me VLEN, Çairi po ecën përpara me punë, zhvillim dhe projekte që lënë gjurmë për të rinjtë dhe për gjithë shoqërinë.

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!