Lamine Yamal ka reaguar ashpër ndaj tifozëve të Spanjës që kënduan një këngë anti-myslimane pas barazimit 0-0 të Spanjës me Egjiptin në duelin e luajtur në Barcelonë. Gjatë 10 minutave të para të ndeshjes, tifozët vendas u dëgjuan duke kënduar: “kërce, kërce .. kush nuk kërcen është mysliman”. Egjipti është një vend ku feja kryesore është Islami. Jamal, sensacioni i Barcelonës dhe Spanjës me prejardhje marokene, është gjithashtu një mysliman praktikues dhe pas ndeshjes pati një reagim. “Jam mysliman, Elhamdulilah. Dje në stadium u dëgjua një thirrje: ‘Kush nuk kërcen është mysliman’. E di që ishte drejtuar ndaj ekipit kundërshtar dhe jo personalisht ndaj meje, por si mysliman, kjo mbetet sjellje e papranueshme dhe mungesë respekti. E kuptoj që jo të gjithë tifozët janë të tillë, por për ata që përdorin fraza të tilla, përdorimi i fesë për tallje në stadium ju bën njerëz injorantë dhe racistë. Futbolli është krijuar për argëtim dhe përkrahje, jo për të ofenduar njerëzit për atë që janë apo çfarë besojnë. Dhe në fund, faleminderit tifozëve që na mbështetën, shihemi në Kupën e Botës”, ka thënë Jamal. Sipas disa mediave, Jamal ishte i vetmi lojtar spanjoll që nuk duartrokiti tifozët pas ndeshjes dhe thuhet se u largua nga stadiumi me kokë ulur, i shoqëruar nga sigurimi.

Presidenti i Federatës së Futbollit të Kosovës sot para dekorimit nga presidentja e vendit ka deklaruar se gjëja e vetme që i nevojitet Kosovës me shpejtësi është një stadium me kapacitet me standarde të FIFA-s.

Ademi  bëri të ditur se kërkesës për  përcjelljen e ndeshjes Kosovë-Turqi ka qenë i jashtëzakonshëm me rreth 400 mijë kërkesa për blerje të biletave, transmeton Klankosova.tv

“Vetëm një send që na duhet me çdo kusht dhe me një shpejtësi, siç thonë, të dritës së syrit, është një stadium nacional apo një stadium, qysh do ta quajnë, i cili i plotëson kriteret dhe kushtet, sepse jemi shumë të ngushtuar nga popullata jonë, nga tifozët tanë që nuk po mundemi me iu bë vend në stadiumin “Fadil Vokrri”. Besoni, kanë qenë më shumë se 300 e sa mijë, rreth 400 mijë kërkesa në platformë për një biletë. Kur i ke parasysh që i heqin disa bileta që janë për evakuim, disa që i takojnë kundërshtarit, ne mbesim diku me pak se 10 mijë bileta për shitje”, tha Ademi.

Kujtojmë që Kosova pësoi humbje mbrëmë nga Kombëtarja e Turqisë, me rezultat minimal 0-1, në stadiumin Fadil Vokrri në Prishtinë.

Përzgjedhësi i Kosovës, Franco Foda tha se përballja ndaj Turqisë është plotësisht e baraspeshuar, duke theksuar se “gjasat janë 50-50” në prag të ndeshjes vendimtare për kualifikim në Botëror 2026, raporton Anadolu.

Në konferencën për media para ndeshjes që zhvillohet të martën mbrëma në stadiumin “Fadil Vokrri”, Foda u shpreh se kundërshtari ka shumë kualitet individual, por theksoi se edhe Kosova ka potencial për ta fituar këtë duel.

“Ekipi i Turqisë është shumë i fortë. Ka lojtarë individualë si Yildiz, Guler, Çalhanoglu. Ka shumë lojtarë kualitativë, por edhe ne kemi kualitet. Shanset janë 50-50, do të bëjmë të pamundurën, do të japim gjithçka që ta fitojmë ndeshjen”, tha Foda, duke shtuar se skuadra është e përgatitur për të gjithë skenarët, përfshirë vazhdimet dhe penaltitë.

Ai theksoi rëndësinë e disiplinës taktike dhe kompaktësisë në fushë, duke nënvizuar se Kosova duhet të jetë e fortë në mbrojtje dhe e rrezikshme në kundërsulm.

“Në kualifikime kemi pranuar pak gola. Me Sllovakinë ishte ndeshje me shumë sulme. Nesër duhet të qëndrojmë kompakt, duhet t’i bëjmë përmirësime në mbrojtje. Është e rëndësishme që mbrojtja të funksionojë dhe menjëherë të hidhemi në kundërsulme. E rëndësishme që luajmë në vendin tonë dhe ta kërkojmë suksesin”, shtoi Foda.

Ndërkaq, kapiteni i Kosovës, Vedat Muriqi e cilësoi këtë përballje si një nga momentet më të mëdha në historinë e vendit. “Pas Pavarësisë, kjo mund të jetë lumturia më e madhe për shtetin tonë”, tha Muriqi duke shtuar se për të është më e rëndësishme fitorja e ekipit sesa golat personalë.

Ai theksoi se atmosfera në ekip është shumë e mirë dhe se lojtarët janë të motivuar maksimalisht për të arritur suksesin historik. “Emocionalisht po ndihem ndryshe, jam formuar si futbollist atje, kam shumë respekt për përfaqësuesen e Turqisë, por, nesër është ndryshe sepse luaj për kombëtare, vazhdoj të respektoj kundërshtarët por do të bëj çmos që të kualifikohemi si shtet edhe në Kupën e Botës”, tha Muriqi.

Ndeshja ndërmjet Kosovës dhe Turqisë zhvillohet nga ora 20:45 dhe përcakton skuadrën që do të sigurojë pjesëmarrjen në Kupën e Botës.

Përzgjedhësi i Kosovës, Franco Foda tha se përballja ndaj Turqisë është plotësisht e baraspeshuar, duke theksuar se “gjasat janë 50-50” në prag të ndeshjes vendimtare për kualifikim në Botëror 2026, raporton Anadolu.

Në konferencën për media para ndeshjes që zhvillohet të martën mbrëma në stadiumin “Fadil Vokrri”, Foda u shpreh se kundërshtari ka shumë kualitet individual, por theksoi se edhe Kosova ka potencial për ta fituar këtë duel.

“Ekipi i Turqisë është shumë i fortë. Ka lojtarë individualë si Yildiz, Guler, Çalhanoglu. Ka shumë lojtarë kualitativë, por edhe ne kemi kualitet. Shanset janë 50-50, do të bëjmë të pamundurën, do të japim gjithçka që ta fitojmë ndeshjen”, tha Foda, duke shtuar se skuadra është e përgatitur për të gjithë skenarët, përfshirë vazhdimet dhe penaltitë.

Ai theksoi rëndësinë e disiplinës taktike dhe kompaktësisë në fushë, duke nënvizuar se Kosova duhet të jetë e fortë në mbrojtje dhe e rrezikshme në kundërsulm.

“Në kualifikime kemi pranuar pak gola. Me Sllovakinë ishte ndeshje me shumë sulme. Nesër duhet të qëndrojmë kompakt, duhet t’i bëjmë përmirësime në mbrojtje. Është e rëndësishme që mbrojtja të funksionojë dhe menjëherë të hidhemi në kundërsulme. E rëndësishme që luajmë në vendin tonë dhe ta kërkojmë suksesin”, shtoi Foda.

Ndërkaq, kapiteni i Kosovës, Vedat Muriqi e cilësoi këtë përballje si një nga momentet më të mëdha në historinë e vendit. “Pas Pavarësisë, kjo mund të jetë lumturia më e madhe për shtetin tonë”, tha Muriqi duke shtuar se për të është më e rëndësishme fitorja e ekipit sesa golat personalë.

Ai theksoi se atmosfera në ekip është shumë e mirë dhe se lojtarët janë të motivuar maksimalisht për të arritur suksesin historik. “Emocionalisht po ndihem ndryshe, jam formuar si futbollist atje, kam shumë respekt për përfaqësuesen e Turqisë, por, nesër është ndryshe sepse luaj për kombëtare, vazhdoj të respektoj kundërshtarët por do të bëj çmos që të kualifikohemi si shtet edhe në Kupën e Botës”, tha Muriqi.

Ndeshja ndërmjet Kosovës dhe Turqisë zhvillohet nga ora 20:45 dhe përcakton skuadrën që do të sigurojë pjesëmarrjen në Kupën e Botës.