Lajme

NP Ujësjellësi dhe Kanalizimi u ofron qytetarëve pagesë në këste pa kamatë

Shkup po zbaton aksion për shlyerje të borxheve pa llogatije të normës së interesit për pagesë të vonuar. Aksioni, siç informojnë nga ndërmarrja publike e qytetit, fillon të hënën më 20 prill dhe do të zgjasë deri më 5 qershor të këtij viti.

“U bëjmë thirrje të gjithë shfrytëzuesve të cilët kanë borxh të pashlyer për ujin e shpenzuar (të paditur dhe të rregullt), ta shfrytëzojnë mundësinë për pagesë në këste pa normë interesi të përllogaritur”, thonë nga NP Ujësjellësi dhe kanalizimi – Shkup.

Theksojnë se vendimi për zbatim të aksionit për shlyerje të borxheve të mbetura pa llogaritje të normës së interesit nuk vlen për organet e pushtetit qendror dhe lokal dhe organet e tjera shtetërore të themeluara në pajtim me Kushtetutën dhe me ligjet dhe instititucionet të cilat kryejnë veprimtari të interesit publik, tël caktuar me ligj, ndërkaq të organizuara si agjenci, fonde, ente publike dhe ndërmarrje publike të themeluara nga Republika e Maqedonisë së Veriut apo nga komunat, nga Qyttei i Shkupit, si dhe nga komunat në Qytetin e Shkupit.

Për të gjitha informatat shtesë për shërbimet e NP Ujësjellësi dhe kanalizimi – Shkup, qytetarët mund të kontaktojnë përmes numrit të telefonit: 02 3073 010, Qendra kujdeestare informuese; 02 3240 300, Drejtori; apo onlajn në kontakt@vodovod-skopje.com.mk; www.vodovod-skopje.com.mk.

Lajme

Gjatë 24 orëve të fundit, tre denoncime për dhunë familjare

Nga Ministria e Punëve të Brendshme (MPB) informoi se gjatë 24 orëve të fundit janë privuar nga liria tre persona, ndërsa me katër të tjerë janë zhvilluar biseda zyrtare për dhunë familjare.

“Më 17.04.2026 në orën 06:35 në Shkup, nëpunës policorë nga SPB Shkup e kanë privuar nga liria M.Zh. (22) nga Shkupi, duke vepruar sipas kallëzimit paraprak se rreth orës 05:30 para një ndërtese banimi në zonën e Kisella Vodës, si dhe gjatë disa ditëve të kaluara, i kishte bërë kërcënime babait të tij 64-vjeçar, duke përdorur edhe thikë. Gjatë kontrollit, tek ai është gjetur thika, si dhe thërrmuese me mbetje marihuane”, njoftuan nga MPB.

Lajme

VLEN: Në çfarë gjuhe djali Talat Xhaferit e kaloi provimin e jurisprudencës?!

Me votën dhe nënshkrimin e tyre, Talat Xhaferi dhe BDI e lanë gjuhën shqipe jashtë provimit të jurisprudencës. Pra, jo vetëm që nuk e mbrojtën shqipen, por me vetëdije e përjashtuan atë, në dëm të shumë studentëve shqiptarë, reagon VLEN.

“Dokumenti i datës 27 gusht 2019, i nënshkruar nga Talat Xhaferi, e nxjerr të vërtetën në shesh. Problemi me provimin e jurisprudencës dhe përjashtimin e gjuhës shqipe mban vulë të pastër politike”, thuhet në reagim.

Sipas VLEN, në kohën kur Ligji për përdorimin e gjuhëve ishte tashmë në fuqi, Talat Xhaferi, si kryeparlamentar, jo vetëm që nuk kërkoi harmonizimin e ligjit për provimin e jurisprudencës me dispozitat që buronin nga ai ligj, por përkundrazi i dha dritë jeshile një teksti ligjor që e linte gjuhën shqipe jashtë.

“Pyesim publikisht, kur djali i Talat Xhaferit e ka kaluar provimin e jurisprudencës, në çfarë gjuhe është përgjigjur?
Kjo është fytyra e vërtetë e BDI-së. Në opinion e luajnë rolin e patriotit, ndërsa në institucione firmosin kundër interesit shqiptar. Për 20 vjet kanë pasur gjithçka në dorë, pushtet, ministra, poste, shumicë dhe ndikim. Nuk u ka munguar as forca, as mundësia. U ka munguar vetëm ndershmëria dhe vullneti. Sepse për BDI-në, shqiptari ka vlejtur vetëm si votë, si numër dhe si mjet për ta mbajtur klikën e tyre në pushtet”, vlerëson VLEN.

VLEN poashtu zotohet se do ta korrigjojë edhe këtë padrejtësi. Një nga një, do t’i zgjidhim të gjitha dëmet që kjo parti ua ka lënë shqiptarëve si trashëgimi të turpshme.

Lajme

Denoncimet për bomba në “East Gate” dhe “Diamond”, MPB jep detaje

Ministria e Punëve të Brendshme njofton se kërcënimet për vendosje të mjeteve shpërthyese në qendrat tregtare në Shkup kanë rezultuar të rreme.

Sipas MPB-së, sot (19.04.2026) në adresën elektronike të institucionit është pranuar një mesazh me kërcënim se në qendrat tregtare “East Gate” dhe “Diamond” janë vendosur mjete shpërthyese.
Menjëherë pas pranimit të denoncimit, forcat policore kanë ndërmarrë masa dhe aktivitete përkatëse brenda dhe përreth objekteve. Pas kontrolleve të kryera, është konstatuar se bëhet fjalë për alarme të rreme për bomba.