Lajme

Janë mbyllur 40 filiale të “Credi Yes”, Ministria e Financave i hoqi licencën për shkak të shkeljeve ligjore

“Credi Yes” është shoqëria financiare për kredi të shpejta, të cilës Ministria e Financave ia hoqi licencën e punës për shkak të parregullsive në funksionim.

Shoqëria financiare, pas së cilës qëndrojnë pronarë nga Bullgaria, po i mbyll rreth 40 filialet e saj në gjithë vendin, ndërsa gjithashtu rreth 120 punonjës kanë marrë njoftim se aktiviteti është ndërprerë. E vetmja veprimtari që “Credi Yes” do të ketë të drejtë të vazhdojë është arkëtimi i kërkesave të saj financiare.

Ministria e Financave dje njoftoi se i është hequr leja e punës një prej shoqërive më të mëdha financiare në treg, pasi gjatë një mbikëqyrjeje të jashtëzakonshme të kryer pas ankesës së një qytetari janë konstatuar shkelje serioze të obligimeve ligjore, pa u bërë e ditur konkretisht se për çfarë shkeljesh bëhet fjalë.

“Mbikëqyrja konstatoi shkelje të rënda të dispozitave ligjore, veprim në kundërshtim me rregullat për mbrojtjen e konsumatorëve dhe praktika me të cilat qytetarët – përdorues të shërbimeve financiare – janë vënë drejtpërdrejt në rrezik.
Për shkak të peshës së shkeljeve të konstatuara dhe seriozitetit të parregullsive të evidentuara, Ministria e Financave në muajin maj solli vendim për heqjen e lejes së punës së shoqërisë financiare”, njoftoi ministria.

Kujtojmë se “Credi Yes” filloi punën në Maqedoni në vitin 2019. Vitin e kaluar, nga rreth 4 milionë euro të ardhura, realizoi fitim prej rreth 1,15 milionë euro.

Lajme

“Merimanga” në aksion, largohen 135 makina në Qendër të Shkupit

135 makina të parkuara në mënyrë të parregullt janë larguar me automjetet speciale “Merimanga” në territorin e Komunës Qendër të Shkupit, gjatë javës së kaluar. Sipas Ndërmarrjes Publike “Parkingjet e Komunës Qendër”, automjetet janë larguar në periudhën nga 5 deri më 11 tetor, pasi pengonin zhvillimin normal dhe të sigurt të komunikacionit. Nga ndërmarrja njoftojnë se aksionet do të vazhdojnë çdo ditë, me qëllim rritjen e sigurisë në trafik dhe ndërgjegjësimin e shoferëve për parkimin e duhur.

Lajme

“Shpulla” rikthehet si mjet edukimi në bankat shkollore në Danimarkë

Qeveria e Danimarkës ka paraqitur një projektligj që do t’u lejojë mësimdhënësve të përdorin forcë fizike ndaj nxënësve në situata të caktuara, me qëllim ruajtjen e rendit dhe sigurisë në shkolla.

Sipas Ministrisë së Arsimit, ndërhyrja do të lejohet në rastet kur nxënësit pengojnë rëndë mësimin, rrezikojnë veten ose të tjerët, ushtrojnë dhunë fizike apo dëmtojnë pronën.

Forca fizike do të përdoret vetëm si masë e fundit, pasi të jenë provuar mënyra të tjera të ndërhyrjes. Ajo duhet të jetë proporcionale, sa më e butë dhe të zgjasë sa më pak.

Projektligji u paraqit në parlamentin danez më 8 tetor. Nëse miratohet, rregullat e reja pritet të hyjnë në fuqi në gusht të vitit 2027.
Propozimi ende nuk është miratuar.

Lajme

Digjet vetura zyrtare e zëvendësdrejtorit të Lotarisë Shtetërore

Një veturë zyrtare e Lotarisë Shtetërore të Maqedonisë, e përdorur nga zëvendësdrejtori i përgjithshëm Ahmet Miftari, është djegur gjatë natës, pas mesnate, në Shkup.

Informacioni është konfirmuar edhe nga Ministria e Punëve të Brendshme (MPB), e cila për median „Fokus“ bëri të ditur se bëhet fjalë për një automjet zyrtar të Lotarisë Shtetërore.

„Më 13.10.2026, në orën 02:12, në SPB Shkup, M.A. (42) nga Shkupi ka raportuar se në rrugën ‘Krste Asenov’ në Shkup ishte djegur një automjet i tipit ‘Beijing Beich’, me targa të Shkupit, në pronësi të Lotarisë Shtetërore të Maqedonisë, të cilin ai e kishte drejtuar më parë“, njoftojnë nga MPB.

Zjarri është shuar nga Brigada e Zjarrfikësve, ndërsa policia po ndërmerr masa për zbardhjen e plotë të rastit.