Lajme

„Kredi Jes“ u mbyll, por borxhlinjtë a do t’ia kthejnë paratë?

Qytetarët që kanë marrë kredi të shpejta nga shoqëria financiare „Kredi Jes“ (Credi Yes), së cilës Ministria e Financave ia ka revokuar lejën e punës, duhet të vazhdojnë med pagesën e kësteve në mënyrë që të mos u llogariten kamata dhe të mos futen në borxhe shtesë.

Nga Ministria e Financave thonë se Ligji për shoqëritë financiare dhe rregullativa tjetër përkatëse nuk parashikojnë fshirje të borxheve, prandaj qytetarët e mbingarkuar med borxhe nuk mund të llogarisin në shlyerjen e tyre.

Megjithatë, qytetarët që konsiderojnë se në çfarëdo mënyre janë dëmtuar nga kjo shoqëri, mund të nisin procedurë gjyqësore. Ata theksojnë se qytetarët kanë të drejtë ta kontestojnë marrëveshjen e kredisë para gjykatës kompetente, nëse vlerësojnë se janë dëmtuar nga ana e shoqërisë, respektivisht nëse konsiderojnë se shoqëria ka shkelur ndonjë nga dispozitat e kontraktuara.

Sipas Ligjit për shoqëritë financiare, pas revokimit të licencës, shoqëria nuk guxon të kryejë aktivitete financiare, përveç atyre që janë të domosdoshme për ruajtjen e pronës së shoqërisë dhe mbledhjen e kërkesave.

Pas heqjes së licencës, shoqëria ka një afat prej 15 ditësh për të parashtruar ankesë, periudhë në të cilën, sipas Ligjit për shoqëritë financiare, duhet gjithashtu të iniciojë procedurë për likuidim ose falimentim, pas së cilës veprohet në përputhje med Ligjin për shoqëritë tregtare ose Ligjin për falimentim. Nga Ministria e Financave sqarojnë se në të dyja rastet – likuidim apo falimentim – qytetarët që kanë marrë kredi në këtë shoqëri nuk duhet të presin, bur duhet t’i shlyejnë obligimet e marra med marrëveshje, pasi në të dyja rastet obligimet sipas marrëveshjeve të lidhura shlyhen nga personat që e kanë nënshkruar marrëveshjen. Nga atje sqarojnë se leja e punës e shoqërisë financiare „Kredi Jes“ është revokuar në përputhje med Ligjin për shoqëritë financiare, si rezultat i shqiptimit të dy kundërvajtjeve brenda një viti. Kundërvajtja e parë ka të bëjë med mosdorëzimin e raportit financiar dhe raportit të auditimit në Ministrinë e Financave brenda afatit të përcaktuar ligjor, gjë që është në kundërshtim med nenin 20 paragrafi (4) të Ligjit për shoqëritë financiare. Kundërvajtja e dytë është konstatuar pas denoncimit nga një qytetar, me çka është vërtetuar se shoqëria ka llogaritur gabimisht shkallën vjetore të kostove totale, për çka ajo ka qenë më e lartë se maksimumi i lejuar ligjor, në kundërshtim med nenin 20-a të Ligjit për mbrojtjen e konsumatorëve në marrëveshjet për kredi konsumatore. Sipas Ligjit për shoqëritë financiare, shoqëria financiare në afat prej 15 ditësh nga dita e pranimit të vendimit për revokimin e lejes së punës ka të drejtë të dorëzojë ankesë. Me heqjen e licencës, mbyllen rreth 40 filiale të „Kredi Jes“ në mbarë shtetin, ndërsa pa punë mbeten më shumë se 100 punëtorë. „Kredi Jes“ ishte pjesë e tregut të shërbimeve financiare që nga viti 2019.

Lajme

Netanyahu: Irani shënjestroi një nga djemtë e mi

Kryeministri izraelit, Benjamin Netanyahu, ka deklaruar se Irani është përpjekur të vrasë një nga djemtë e tij ndërsa informacioni për komplotin e dyshuar është mbajtur i fshehtë për disa muaj.

Netanyahu e bëri deklaratën gjatë një interviste telefonike me korrespondentin ushtarak të Channel 14, Noam Amir, duke e lidhur kërcënimin me nevojën për masa të vazhdueshme sigurie për familjen e tij.

“Irani shënjestroi një nga djemtë e mi. U përpoq të vriste një nga djemtë e mi. Kjo është arsyeja pse kjo siguri nuk është luks. Pa të, ata do të kenë sukses”, tha Netanyahu.

Kryeministri izraelit nuk bëri të ditur se cili prej dy djemve të tij, Yair apo Avner, ishte objektivi dhe nuk dha detaje mbi mënyrën apo kohën kur dyshohet se ka ndodhur komploti.

Netanyahu tha gjithashtu se kishte komunikuar me kreun e Shin Bet, David Zini, të cilit i kishte kërkuar që të sigurojë mbrojtjen e përshtatshme për çdo kandidat për postin e kryeministrit, veçanërisht në periudhën e fushatës zgjedhore.

Deklaratat vijnë në një kohë tensionesh të larta mes Izraelit dhe Iranit, ndërsa Netanyahu u bëri thirrje gjithashtu aktorëve politikë që të tregojnë përmbajtje gjatë fushatës.

Lajme

“Lotaria” / Prokuroria me 231 prova dhe 7 dëshmitarë kundër Grubit dhe 7 personave të tjerë

Me shoqërim policor, ish zëvendëskryeministri i parë, Artan Grubi, nga paraburgimi u soll sot në Gjykatën Penale të Shkupit për seancën e parë gjyqësore lidhur me lëndën për shpërdorim e 8.2 milionë eurove në Lotarinë Shtetërore.

Grubi i shoqëruar nga dy avokatët, Goce Ristevski dhe Vlladimir Donevski u ul në bankën e të akuzuarit, ndërsa për veprën që i ngarkohet, Kodi Penal parashikon prej 1 deri në 5 vjet burg.

Krahas tij, sot në seancë janë paraqitur edhe 6 të akuzuar të tjerë. Në afërsi të tij, është ulur Metodija Dimovski, ish sekretar i Qeverisë, por edhe të akuzuarit Skender Memeti, Bojan Janev, Fatmir Ramadanovski, Bashkim Avdi dhe Aleksandar Dimitrieski. Mungoi vetëm ish drejtori i Lotarisë Përparim Bajrami, i cili është i akuzuar i parë në këtë lëndë, por që mbetet në arrati prej dhjetorit të vitit 2024.

Megjithatë seancë e sotme zgjati shkurt, meqë organi i akuzës nuk ua ka dorëzuar palëve provat. Për këtë, prokurorët e lëndës Daniel Kocev dhe Aleksandar Davçevski kishin përgatitur tetë pako me prova, të cilat i morën avokatët e të akuzuarve. Siç shpjeguan prokurorët, ata posedojnë listë me 231 prova materiale, të cilat thanë se do t’i prezantojnë brenda një seance gjyqësore, ndërsa ato verbale, respektivisht dëshmitë e 7 dëshmitarëve për 2 deri në 3 seanca, ndonëse kjo nuk mund të përcaktohet pasi do të varet edhe nga numri i pyetjeve të kryqëzuara nga ana e avokatëve të mbrojtjes.

Meqenëse mbrojtja nuk ka pasur mundësi të përgatitet për shkak se nuk i ka pasur provat, gjykatësja e lëndës Biljana Shuplinovska – Jovevski u dha dy javë kohë, respektivisht caktoi seancën e radhës për më 7 shtator. Deri atëherë, avokatët duhet t’i studiojnë provat e Prokurorisë, të përgatisin mbrojtjen dhe të dorëzojnë listë të tyre me prova.

Njëkohësisht, gjyqtarja në pajtim me palët caktoi dinamikën e gjykimit për periudhën e ardhshme, e cila sipas terminëve do të jetë mjaftë e ngjeshur. Gjatë muajit shtator, do të mbahen 6 seanca gjyqësore, ndërsa 7 të tjera janë caktuar në tetor.

Sipas Prokurorisë, Artan Grubi dhe 7 persona të tjerë akuzohen se kanë “Keqpërdorur detyrën zyrtare” pasi kanë qenë pjesë e operacionit për furnizimin e VLT aparateve për lojëra elektronike të fatit, për nevojat e Lotarisë Shtetërore edhe pse të njëjtat asnjëherë nuk janë përdorur, pasi që Lotaria Shtetërore nuk ka të drejtë ligjore për organizimin e pavarur të lojërave elektronike të fatit. Prokuroria e zhvilloi hetimin për veprën penale “Mashtrim në shërbim” për të cilën parashihet dënim me burg prej 4 deri në 20 vjet burg, megjithatë propozim akuzën e dorëzoi për vepër tjetër penale që parashikon dënim më të butë, respektivisht prej 1 deri në 5 vjet burg. /Alsat.mk

Lajme

E dhimbshme: Ky është kosovari që vdiq në detin e Shëngjinit

Një 18-vjeçar nga Kosova ka humbur jetën në zonën e Kunes, në Shëngjin, ndërsa burime të Klankosova.tv bëjnë të ditur se i riu është identifikuar si Shpëtim Syla.

I riu është gjetur pa shenja jete në ujë. Ende nuk janë të qarta rrethanat e sakta të ngjarjes, ndërsa autoritetet po hetojnë nëse 18-vjeçari është mbytur gjatë qëndrimit në det apo ka pësuar arrest kardiak.

Trupi i pajetë është transportuar në morgun e Lezhës, ku pritet t’i nënshtrohet ekspertizës mjekoligjore. Ekspertiza pritet të ndihmojë në përcaktimin e shkakut të vdekjes./Klankosova.tv