Burimet e ALSAT bëjnë të ditur se makina sapo është gjetur e përmbysur dhe rënë në afërsi të kufirit me Kosovën. SIpas disa të dhënave të mëhershme, 2 prej personave mendohet se janë marrë nga aeroporti i Shkupit dhe përgjatë rrugës për në Kosovë, ende pa kaluar kufirin, janë rrëzuar.

Në media, një ditë më parë u raportua për tre personat e raportuar të zhdukur, ndërkohë që familjarët e tyre apelonin për ndihmën e qytetarëve në lokalizimin e tyre. Sipas njoftimit nga familjarët, bëhej fjalë për Ejup Ternavën, Çenet Ternavën dhe Fatmire Shabanin, të cilët ishin parë për herë të fundit mbrëmjen e së shtunës, rreth orës 22:00, në Shkup.

Sipas informacioneve, ata ishin nisur nga aeroporti në drejtim të Kosovës, dhe udhëtonin me një veturë Mercedes GLC me ngjyrë blu, me targa MR-DT 2025.

Fillimi i punimeve për rregullimin e shtratit të Lumit të Thatë në Komunën e Sarajit është një ogur i mirë për mijëra banorë të kësaj ane. Ky investim strategjik i cili kap vlerën mbi 6 milionë euro i jep fund një problemi shumëvjeçar që përbënte rrezik për jetën e qytetarëve, pronën dhe tokat bujqësore.

I nisur nga koha e Izet Mexhitit si zëvendëskryeministër i parë dhe ministër, tani nën udhëheqjen e kryetarit të Komunës së Sarajit, Muhamet Elmazi dhe përkushtimit të ministrit të Mjedisit Jetësor dhe Planifikimit Hapësinor, Muhamet Hoxha, ky projekt po merr formë si një nga investimet më të rëndësishme infrastrukturore për këtë vendbanim.

Saraji për 22 vjet u la në harresë. Çdo cikël zgjedhor shoqërohej me premtime të njëjta, ndërsa pas zgjedhjeve qytetarët ngelnin me përmbytjet, dëmet materiale dhe zhgënjimin.

Prandaj sot kësaj politike të mashtrimit i ka ardhur fundi dhe qytetarët me të drejtë pyesin;

Pse Saraji u la për dekada pa mbrojtje?

Pse mijëra familje u detyruan të jetojnë nën frikën e çdo reshjeje dhe përmbytjeje?

Me VLEN investimet janë një tjetër provë se premtimet po shndërrohen në vepra, ato prekin te qytetarët dhe problemet e trashëguara po marrin zgjidhje konkrete.

Prandaj mbetemi të përkushtuar të vazhdojmë të përmirësojmë cilësinë e jetës dhe të garantojmë zhvillim të qëndrueshëm për çdo qytetar.

Drejtori i NPK-së, Samet Bislimi, së bashku me ekipin e ndërmarrjes, ka dalë në terren në fshatin Çajlë për t’u qëndruar pranë banorëve dhe për t’u siguruar furnizim me ujë të pijshëm në këtë situatë të krijuar.

I shoqëruar nga kryetari i Këshillit Komunal, Jusuf Abduli, dhe këshilltarët komunalë, Bislimi ka koordinuar angazhimin e ekipeve të NPK-së për shpërndarjen e ujit dhe ofrimin e mbështetjes së nevojshme për qytetarët.

“Jemi pranë banorëve në çdo moment kur kanë nevojë për mbështetje. Ekipet tona janë të angazhuara në terren për të siguruar furnizimin me ujë dhe për t’iu dalë në ndihmë familjeve të Çajlës”, është mesazhi i përcjellë gjatë këtij aksioni.

Angazhimi i NPK-së vazhdon me qëllim që qytetarët të kenë përkrahjen e nevojshme dhe shërbimet bazë të garantuara deri në tejkalimin e situatës.

https://www.facebook.com/share/p/1EEX3utUHC/?mibextid=wwXIfr