Lajme

Ramadani: Ndoshta dikujt i hahet flija, por Izet Mexhiti nuk kthehet te Alija

Analisti politik Ramadan Ramadani ka komentuar zërat për një rikthim të mundshëm të një pjese të VLEN-it, përfshirë Izet Mexhitin, në radhët e BDI-së opozitare.

Në një analizë të publikuar sot, Ramadani shprehet se një skenar i tillë nuk pritet të ndodhë, duke renditur disa arsye politike.

Sipas tij, rikthimi i Mexhitit në një krah me Ali Ahmetin dhe BDI-në do ta zhvlerësonte atë që ai e konsideron si aksionin më të madh politik të karrierës së Mexhitit, përkatësisht rrëzimin e BDI-së nga pushteti dhe ndryshimin politik.

Ramadani argumenton gjithashtu se një rikthim i tillë do të nënkuptonte, sipas tij, një degradim të pozitës politike të Mexhitit, nga ortak dhe themelues i një projekti politik në një rol më dytësor brenda BDI-së.

Ai vlerëson se VLEN tashmë ka avancuar në drejtim të konsolidimit si subjekt politik dhe përmend edhe deputetët Ismail Jahoski dhe Sali Murat, për të cilët thotë se nuk janë shkëputur nga BDI-ja.

Në analizën e tij, Ramadani e lidh situatën edhe me zgjedhjet e jashtëzakonshme në Komunën e Bërvenicës, duke theksuar se ato kanë rëndësi jo vetëm për skenën politike shqiptare, por edhe për VLEN-in dhe raportet politike në njësinë zgjedhore numër 6.

Në fund, Ramadani rikthehet te titulli i analizës dhe me një dozë ironie shkruan se dikujt mund t’i ketë “hangër fli”, por për një rikthim politik, sipas tij, mungojnë “saçi, brumi dhe tëlyni”.

“Dikujt në vapën e verës iu ka hangër fli, por nga vapa s’ia ka marrë mendja. Tani, si është flladitur koha, ndonëse ia merr mendja, prapëseprapë mund të mos hajë nëse i mungon saçi, brumi dhe tëlyni”, shkruan Ramadani.

Lajme

Presidenti Erdogan: Kriminelët e luftës e kanë vendin në sallat e gjyqit, jo në foltoren e OKB-së

Presidenti turk Recep Tayyip Erdogan tha të shtunën se “kriminelët e luftës” e kanë vendin në sallat e gjyqit, dhe jo në foltoren e OKB-së, duke theksuar se ata që kryejnë gjenocid duhet të japin llogari, raporton Anadolu.

“Kriminelët e luftës nuk e kanë vendin në foltoren e OKB-së, por në sallat e gjyqit, ku do të japin llogari për krimet që kanë kryer dhe gjakun që kanë derdhur”, tha Erdogan në programin përmbyllës edicionit të 21-të të Panairit Ndërkombëtar të Tregtisë MUSIAD EXPO dhe edicionit të 29-të të Forumit Ndërkombëtar të Biznesit në Stamboll.

“Nëse ata që kryejnë gjenocid nuk japin llogari para drejtësisë dhe historisë, të njëjtat mizori do të përsëriten”, paralajmëroi ai.

Erdogan përsëriti mbështetjen e Turqisë për palestinezët, duke thënë: “Populli palestinez nuk është i vetëm dhe as i braktisur”.

“Vëllezërit dhe motrat tona në Gaza nuk janë vetëm në kërkimin e tyre për të drejtat dhe drejtësinë”, theksoi ai.

“Ne do të vazhdojmë, në maksimumin e mundësive tona, të themi të vërtetën dhe të jemi zëri i të shtypurve”, shtoi ai.

Erdogan tha më tej se rajoni ku Turqia ndodhet në qendër po përjeton një “stuhi të gjithanshme krizash”, ndërsa sistemi global po përballet me ngërç sa i përket “legjitimitetit, përfaqësimit dhe drejtësisë”.

Duke iu referuar ekonomisë, ai tha se Turqia ka shënuar rritje të pandërprerë gjatë 24 tremujorëve të fundit dhe aktualisht është ekonomia e 16-të më e madhe në botë dhe e gjashta më e madhe në Evropë.

Ai shtoi se numri i kompanive turke eksportuese është rritur nga 33.000 në vitin 2002 në 168.000 në vitin 2025.

“Me Programin e ri Afatmesëm që shpallëm 20 ditë më parë, do të vazhdojmë me vendosmëri në përputhje me objektivat tona për rritje të qëndrueshme dhe të ekuilibruar”, tha Erdogan.

Lajme

Aktori i njohur Adrian Aziri rrëfen kthesën e madhe në jetë dhe faljen e pesë vakteve të namazit

Aktori i njohur Adrian Aziri në një intervist në Alsat, ka ndarë me ndjekësit dhe opinionin publik një rrëfim shumë personal dhe të sinqertë rreth ndryshimeve rrënjësore që ka bërë në jetën e tij personale dhe shpirtërore.

Në një rrëfim të hapur, ai ka treguar se si koha e kaluar në meditim dhe afërsia me xhaminë e kanë udhëzuar drejt një paqeje të re të brendshme, duke e shtyrë të marrë vendimin e rëndësishëm për të falur pesë vaktet e namazit.

Aziri tregon se kohët e fundit i ka kushtuar rëndësi meditimit dhe vizitave të shpeshta në xhami, duke ndërtuar një lidhje më të fortë me Krijuesin.

Ai ka vendosur t’i falë rregullisht pesë vaktet e namazit, duke e parë këtë si një detyrim shpirtëror dhe falënderim ndaj Zotit.
Përkushtimi ndaj Familjes: Pjesë e këtij reflektimi ka qenë edhe rivlerësimi i prioriteteve, duke i kushtuar më shumë kohë dhe vëmendje bashkëshortes dhe fëmijëve.

Aktori pranon me modesti se më parë ka qenë më i llastuar, por ky ndryshim e ka ndihmuar të bëhet një njeri më i përgjegjshëm dhe më i qetë.

“Kohët e fundit kam bërë njëfarë lidhshmërie me Zotin, meditoj shpesh. Për fat të mirë e kam afër xhaminë, e vizitoj shpesh… Vendosa t’i fal pesë vaktet dhe t’i përkushtohem familjes, bashkëshortes, fëmijëve, dhe më doli më mirë, sepse jam qenë i llastuar.”, është shprehu ai. (INA)

Lajme

Arrestohet PEDO-FILI 62 vjeçar në Tetovë, bëri se-ks me një fëmijë 4-5 vjeç

“Më 25.09.2026 në orën 21:45, pas një videoje të publikuar paraprakisht në rrjetet sociale, në Stacionin Policor të Tetovës është dorëzuar vetë R.N. (62) nga një fshat i Tetovës. Me udhëzim të prokurorit publik nga PTHP Tetovë, personi është privuar nga liria për shkak të dyshimit të bazuar për kryerjen e veprës penale „dhunim i fëmijës që nuk ka mbushur 15 vjet“ sipas nenit 188 të Kodit Penal. Ai është ndaluar në stacionin policor për procedurë të mëtutjeshme dhe për zbardhjen e dokumentimin e plotë të rastit”