Lajme
Diaspora sjell paratë, por mungon banka në RMV që do t’i kthente në investime
A duhet kanalizuar kapitali i mërgatës që arrin si remitenca në vendin tonë? Sa do të ishte e nevojshme një bankë e cila do t’i përkthente këto remitenca në investime kapitale për shqiptarët dhe jo vetëm. Në Alsat në “Weconomy” u analizuan dobitë që do të kishin qytetarët nga një bankë e tillë, përcjell Nistori.
“Që të kemi një farë lloj kontrolli të këtyre të financave kryesisht në vendin tonë. jo për çështje, do të themi kështu, kombëtare, patriotike e tjerë, por për një realitet shumë të të hidhur, të cilën edhe e përmendë në hyrje. Është ajo e cila neve na nevojitet një institucion financiar në të cilën duhet të mund të na investon të holla ku ne pastaj të mund të krijojmë një ekonomi të zhvilluar. Ne asesi këto para që na vijnë prej diasporës dhe mundësia dhe potenciali që e kemi për investim nuk arritëm të guxojmë që të kemi një investim të të tillë si të krijojmë një bankë e cila duhet t’i dijë këto gjëra”. – Abil Baush, ekonomist.
Sipas Visar Ademit, do të ishte ndihmë shumë e madhe për shqiptarët dhe gjithë shtetin krijimi i Bankës Shqiptare, e cila ishte premtuar nga pushtetit aktual. Ademi vlerëson se potenciali i diasporës është shumë i madh sa që mund të ndikon dukshëm në përmirësimin e cilësisë së jetesës në vendin tonë.
“Banka shqiptare nuk i ndihmon vetëm shqiptarëve, i ndihmon krejt Maqedonisë. Më besoni këtë edhe vetëm një send pse është e duhura sepse në qoftë se ka njohuri, në qoftë se ka transer hous vetëm shqiptarët e kanë. Pse e kanë? Sepse ne kemi diku afër 500.000 njerëz të cilët jetojnë Gjermaninë në Zvicër. Ato nuk kanë marrë vetëm para atje, kanë marrë dije, kanë marrë shkathtësi, kanë marrë kompetenca, kanë marrë kualifikim.” – Visar Ademi, Ekonomist.
Krijimin e Bankës Shqiptare e kishte premtuar VLEN në programin zgjedhor. Por edhe dy vjet e gjysmë pas ardhjes në pushteti, subjekti nuk ka ndërmarrë asgjë në këtë drejtim.
Lajme
Prej nesër rriten temperaturat, deri të enjten arrijnë në 23 gradë
DPHM paralajmëron se vijon periudhë e motit të ndryshueshëm me vranësira me reshje të kohëpaskohshme të shiut me intensitet të ndryshueshëm.
Prej nesër, nën ndikimin e rrymës ajrore jugore, temperaturat do të rriten gradualisht dhe përsëri do të jenë mbi mesataren për këtë periudhë të vitit. Do të fryjë erë mesatare deri e fuqishme, ndërsa nga e mërkura erë përkohësisht e fuqishme nga drejtimi jugor (mbi 60 km/h), veçanërisht në pjesët perëndimore.
Nesër pasdite dhe në fundit të ditës do të ketë reshje të kohëpaskohshme shiu kudo. Do të fryjë erë e lehtë deri mesatare nga jugu. Temperaturat minimale do të lëvizin nga 4 deri në 10 gradë, ndërsa maksimalet ditore nga 8 deri në 16 gradë. Në Shkup do të jetë mot me vranësira të ndryshueshme me periudha të kohëpaskohshme me diell, me reshje shiu pasdite dhe drejt fundit të ditës. Do të fryjë edhe erë e lehtë deri mesatare nga jugu. Temperatura do të lëvizë nga 6 deri në 14 gradë.
Të martën temperatura në vend do të arrijë deri 20 gradë, të mërkurën 21, ndërsa të enjten 23 gradë.
Lajme
Bilall Kasami viziton Xhaminë e Zagrebit: Ajo është bërë shtëpi edhe për shqiptarët e Kroacisë
Kryetari i Komunës së Tetovës, Bilall Kasami, gjatë vizitës së tij në Kroaci ka qëndruar edhe në Xhaminë e Zagrebit, ku është pritur nga Myftiu i Kroacisë, akademik dr. Aziz ef. Hasanoviq, dhe zëvendësmyftiu Mevludi ef. Arslani.
Gjatë kësaj vizite, Kasami pati mundësinë të njihet nga afër edhe me Gjimnazin Islam “Dr. Ahmed Smajloviq”, i cili funksionon brenda kompleksit të xhamisë.
Në postimin e tij, Kasami theksoi veçanërisht rolin që luan kjo xhami për komunitetin shqiptar në Kroaci, duke e cilësuar atë si një vend ku shqiptarët jo vetëm kryejnë ritet fetare, por edhe takohen, bashkohen dhe ruajnë kulturën e tyre kombëtare.
Ai falënderoi nikoqirët për mikpritjen gjatë vizitës.
Lajme
Përshefca në zi, qytetarë të shumtë i japin lamtumirën e fundit Agron Memedit
Sot, të gjitha rrugët çonin drejt Përshefcës së Tetovës, ku u zhvillua ceremonia mortore e ish-futbollistit Agron Memedi, i cili u nda nga jeta duke lënë pas dhimbje dhe pikëllim te familjarët, miqtë, bashkëpunëtorët dhe gjithë ata që e njohën.
Në ceremoninë e varrimit morën pjesë qytetarë nga të gjitha anët e vendit, përfaqësues të klubit futbollistik Shkëndija, pjesëtarë të Tifo Grupit “Ballistët”, si dhe bashkëluftëtarë të të ndjerit, të cilët u mblodhën për t’i dhënë lamtumirën e fundit.
Përshhefca sot ishte e mbuluar nga zija. Në një atmosferë të rëndë emocionale, të pranishmit shprehën respektin dhe nderimin për Agron Memedin, ndërsa kurora me lule u vendosën mbi varrin e tij në shenjë kujtimi dhe respekti.
Agron Memedi u përcoll për në banesën e fundit mes dhimbjes, lotëve dhe nderimeve të shumta, duke lënë pas kujtime që do të mbeten gjatë në zemrat e atyre që e njohën.
-
Lajme12 months agoZbulohet Identiteti i Personit Të Vrarë Në Tetovë
-
Lajme2 years agoDetaje nga ngjarja tronditëse në Tetovë: Burri vrau gruan dhe vajzën 4 vjeçe, pastaj qëlloi djalin 9 vjeç dhe veten e tij
-
Lifestyle3 years agoTrashet miqësia me maqedonë në familjen e Adelina Tahirit
-
Lajme2 years agoKëto ministri dhe poste zv ministrash do ti takojnë VLEN-it
-
Lajme12 months agoAplikacion që zbulon kamerat radar, shoferët e shkarkojnë masivisht
-
Lajme3 years agoJa kush janë 13 deputetët e koalicionit “VLEN” (Lista)
-
Lajme3 years agoBurrin e Shkurte Fejzës e godet vetura (PAMJE)
-
Lajme1 month agoÇmimi i naftës shënon rënie
