Fatmir Bytyqi dhe Agron Demiri nuk kanë bërë thirrje publike për përkrahjen e kandidatit shqiptar Arkin Jahiji, ndërsa vendimi i udhëheqjes së LSDM-së për të mos mbështetur asnjë kandidat ngre pikëpyetje për qëndrimin e përfaqësuesve shqiptarë në këtë parti.

Heshtja e përfaqësuesve shqiptarë në LSDM lidhur me garën për Komunën e Bërvenicës ka ngritur pikëpyetje mbi qëndrimin e tyre politik dhe raportin me votuesit shqiptarë.

Deputeti Fatmir Bytyqi dhe anëtari i Kryesisë Qendrore të LSDM-së, Agron Demiri, nuk dalën me një thirrje publike për të mbështetur kandidatin shqiptar Arkin Jahiji.

Kjo heshtje vjen në një moment kur kreu i LSDM-së ka marrë qëndrim që partia të mos përkrahë zyrtarisht asnjërin nga kandidatët në këtë garë.

Megjithatë, sipas pretendimeve që qarkullojnë lidhur me udhëzimet jozyrtare brenda strukturave partiake, votuesve të LSDM-së u është orientuar që të mbështesin kandidatin e VMRO-DPMNE-së.

Në këtë situatë, shtrohet pyetja: pse përfaqësuesit shqiptarë të LSDM-së nuk kanë dalë publikisht për të shprehur qëndrimin e tyre për kandidatin shqiptar Arkin Jahiji?

A është heshtja e tyre në përputhje me qëndrimin personal dhe politik, apo bëhet fjalë për respektim të vijës së përcaktuar nga udhëheqja partiake?

Deri më tani, mbetet e paqartë nëse Bytyqi dhe Demiri kanë një qëndrim të përbashkët për këtë çështje apo nëse do të dalin me një sqarim publik.

Dje është raportuar se biznesmeni turk Bilal Kara – themelues i spitalit Sante Plus, është arrestuar në Maqedoninë e veriut. Mirëpo, ai në një deklarim të sontëm për publikun e ka mohuar të jetë arrestuar.

Bilal Kara ishte raportuar se ka probleme në Maqedoninë e veriut për shkak të Spitalit të Syve, por që ai thotë se për këtë rast ka vetim hetim dhe mohon kategorikisht se është arrestuar.

“Mund të them se nuk më kanë arrestuar kurrë. Po e mohoj kategorikisht këtë çfarëdo që është shkruar në media nuk është e vërtetë për mua, personalitetin dhe situatën që po ndodh. Siç mund të shihni jam i lirë, jam në punën time, po punoj dhe po i vazhdoj aktivitetet e mia. Jam gati për çdo lloj kërkese, informacioni dhe dokumentacioni nga ana ime personale“, thotë ai në videon e publikuar.

Turku Bilal Kara thotë se është i përkushtuar për respektim të ligjeve dhe rregullave të Maqedonisë së veriut në lidhje me spitalin Evropian të Syrit.

“Si njëri nga investitorët e këtij spitali, mund të them se ka një hetim që po ndodh dhe mund të them se jemk gati për çdo lloj kërkese dhe gjitha informatat e nevojshme në bashkëpunim me autoritet relevante të Maqedonisë së veriut”, ka theksuar ai në videon e publikuar./Veriu.info

Lista Studentore, e cila ka fituar zgjedhjet në Serbi, e ka shtyrë përkohësisht krijimin e shumicës parlamentare dhe formimin e qeverisë së re.

Megjithatë, përfaqësuesit e saj kanë deklaruar se nuk do të heqin dorë nga kërkesa për ndjekjen urgjente penale të figurave kryesore të pushtetit të ish-presidentit Aleksandar Vuçiq.

Duke komentuar situatën paszgjedhore për televizionin kroat HRT, avokati nga Beogradi, Çedomir Stojkoviq, deklaroi se ndjekje të tilla nuk do të mund të ndodhnin nëse Serbia do të ishte anëtare e Bashkimit Evropian.

Stojkoviq, i cili gjatë pushtetit të mëparshëm ishte ndaluar nën akuzat për përmbysjen e rendit kushtetues për shkak të publikimeve të tij në rrjetet sociale, kujtoi gjithashtu se më herët kishte ngritur kallëzim penal kundër Aleksandar Vuçiqit për rolin e pretenduar në vrasjen e civilëve me pushkë snajper gjatë luftës në Sarajevë, në rastin e njohur si “Safari i Sarajevës”. Për këtë arsye, ai ishte arrestuar.

Sipas Stojkoviqit, kërkesat për ndalimin e pjesëtarëve të regjimit të deritanishëm janë plotësisht të justifikuara, tani që frika në shoqëri është zbehur.

Ai pretendon se në Serbi po zhvillohet një përpjekje për të fshehur abuzimet financiare dhe shkeljet ligjore që kanë ndodhur ndër vite.

“Kemi parë vepra të dukshme penale para kamerave, duke filluar nga televizioni Informer, i cili përvetësonte para publike për t’i quajtur qytetarët fundërrina, e deri te policët që rrihnin gra dhe fëmijë në rrugë. Kemi jetuar nën një tirani që fshihej pas errësirës mediatike”, deklaroi Stojkoviq për HRT-në.

Ai shtoi se pret që shumë zyrtarë të lartë të Partisë Përparimtare Serbe (SNS) të përfundojnë në gjykatë për pasurim të paligjshëm.

Duke folur për të ardhmen politike të ish-presidentit serb, Stojkoviq pretendoi se ndikimi i Vuçiqit është zhdukur në mënyrë të pakthyeshme dhe se ai tashmë është margjinalizuar politikisht.