Sport

Shkëndija dhuron spektakël në Tetovë, e mund Sileksin 6:1

Elita e futbollit vendor ka sjell pasditën e sotme tre ndeshjet e fundit të xhiros së 27-të në program. Shkëndija e Tetovës ka marrë fitore të madhe ndaj Sileksit, duke e mundur me rezultatin e thellë 6:1. Golat për kuqezinjtë tetovar në këtë përballje i realizuan dy herë Krasniqi dhe nga njëherë çuan topin në rrjetë Cake, Ademi, Aganspahiq dhe Ramadani.

Ndërkohë Struga Trim Lum është ndalur me barazim 2:2 nga Bregallnica e Shtipit. Kampionët në fuqi avansuan fillimisht me Bunjamin Shabanin, teksa skuadra nga Shtipi përmbysi përkohësisht gjithçka me golat e Stojçevskit dhe Selmanit, ndërsa katër minuta para fundit Ibraimi nga penalltia barazoi shifrat në 2:2.

Ndeshja tjetër e luajtur në kryeqytet i takoi Rabotniçkit që mundi Vardarin me rezultatin 2:0.

Sport

Kupa e Maqedonisë: Nesër përballen dy Shkëndijat në Tetovë

E mërkura do të sjellë ndeshjet e para të gjysmëfinales në Kupën e Maqedonisë së Veriut. Në këtë raund, vëmendja kryesore do të jetë në duelin mes dy Shkëndijave, asaj të Tetovës dhe Haraçinës. Takimi i parë do të zhvillohet në Tetovë, ku kuqezinjtë e Jeton Beqirit do të synojnë të shfrytëzojnë avantazhin e terrenit për të siguruar një rezultat pozitiv para ndeshjes së kthimit. Të dyja ekipet shqiptare pritet të japin maksimumin në fushë, me synimin e qartë për të bërë një hap të madh drejt finales së madhe të këtij kompeticioni. Ndeshja ndërmjet dy Shkëndijave do të luhet në stadiumin e qytetit të Tetovës, duke nisur nga ora 14:00. Ndërkohë, sfida e kthimit, e cila do të përcaktojë ekipin finalist, është planifikuar të zhvillohet më 6 maj. Ndërkohë, në gjysmëfinalen tjetër, po ashtu nesër, do të përballen Ohridi dhe Sileksi, në një duel që nis nga ora 12:00. /SHENJA/

Sport

Arigon Avdimetaj pritet të shkund ringun në përballje me serbin Miomcilo Jajic

Boksieri shqiptar Arigon Avdimetaj pritet të ngjitet në ring në një nga mbrëmjet më të rëndësishme të boksit në Belgjikë, ku do të përballet me serbin Miomcilo Jajic.

Ndeshja do të zhvillohet më 25 prill 2026 në Hasselt, në kuadër të eventit “Exclusive Boxing Night VI”, një mbrëmje që pritet të mbledhë vëmendjen e publikut ndërkombëtar dhe dashamirëve të sportit të boksit.

Përballja mes Avdimetajt dhe Jajić nuk është vetëm një duel sportiv, por edhe një moment krenarie për tifozët shqiptarë, pasi boksieri shqiptar synon të dëshmojë forcën dhe potencialin e tij në arenën ndërkombëtare.

Me përgatitje intensive dhe ambicie të larta, Arigon Avdimetaj hyn në këtë sfidë me synimin e qartë për fitore, duke kërkuar të ngrejë lart flamurin shqiptar dhe të afirmohet si një emër i rëndësishëm në boksin profesionist.

Interesi për këtë duel është në rritje, ndërsa komuniteti shqiptar në diasporë pritet të jetë i pranishëm në numër të madh për të mbështetur sportistin e tyre në këtë përballje të rëndësishme.

Sport

Leandro Maksutaj super talenti shqiptar në ekipin e parë të FC Winterthur në Super Ligën zvicerane

Leandro Maksutaj është një tjetër super talent shqiptar që promovohet në ekipin e parë të FC Winterthur në Super Ligën zvicerane

Mesfushori i ri me prejardhje shqiptare nga Kosova, Leandro Maksutaj, ka arritur një hap të rëndësishëm në karrierën e tij duke u promovuar në ekipin e parë të FC Winterthur, që garon në Swiss Super League.

18-vjeçari (i lindur më 18 qershor 2007) aktivizohet në pozitën e mesfushorit dhe konsiderohet një talent në zhvillim në futbollin zviceran. Kalimi në ekipin e parë vjen si rezultat i paraqitjeve të mira dhe progresit të vazhdueshëm në nivelet e të rinjve.

Maksutaj vjen nga një familje me traditë sportive, pasi është djali i kampionit të njohur të kickbox-it, Azem Maksutaj.

Promovimi i tij në elitën e futbollit zviceran përbën një arritje të rëndësishme në moshë të re dhe një sinjal pozitiv për të ardhmen e tij në skenën ndërkombëtare.