Sport

Shkëndija rikthen Reshat Ramadanin

Shkëndija ka komunikuar se ka arritur marreveshje me Dinamo Kievin për huazimin e Reshat Ramadanit, deri në fund të këtij sezoni.

Reshat Ramadani, i cili u transferua nga Shkëndija në Ukrainë një vit më parë, ka treguar një zhvillim të vazhdueshëm si një lojtar i talentuar dhe me potencial të lartë. Pas ndeshjes kontrolluese në Antalia, në të cilën Shkëndija u përball me Dinamo Kievin (1:1) të premten e kaluar, ka ardhur deri te akordi për një kthim të tij te klub i tetovar, përmes formulës së huazimit deri në fund të sezonit 2023/2024.

Kjo lëvizje besohet se është një hap i rëndësishëm për të dyja palët, e që do të mundësojë që Reshat Ramadani të rikthehet në ambientin e tij të njohur dhe të vazhdojë zhvillimin futbollistik.

Nga KF Shkëndija janë shprehur të lumtur që tashmë kanë një forcë më të madhe në skuadër dhe besojnë se kontributi i Reshat Ramadanit do të jetë i çmuar për suksesin e kuqezinjëve në gjysmësezonin pranveror.

Shkëndija ka falenderuar Dinamo Kievin për bashkëpunimin korrekt, ndërsa Reshat Ramadanit i kanë uruar një kthim të suksesshëm në familjen kuqezi.

Lajme

Pëson lëndim të rëndë, Shkëndija mbetet pa Drilon Islamin

Ndeshja përballë Shkëndijës së Haraçinës ka rezultuar fatale për mesfushorin e Shkëndijës së Tetovës, Drilon Islami, i cili pësoi një lëndim të rëndë pas një përplasjeje në fushë.

Nga skuadra tetovare sot përmes një komunikate kanë bërë të ditur se mesfushori i tyre ka thyer klavikulën e krahut të djathtë, ku kosovari u detyrua ta braktisë lojën dhe u transportua me ambulancë në spital në duelin e zhvilluar në Çair.

Shkëndija bënë të ditur se për momentin, ekipi mjekësor ende nuk ka vendosur nëse trajtimi do të kërkojë ndërhyrje kirurgjikale apo nëse rehabilitimi do të realizohet përmes terapisë.

Megjithatë, ajo që është e sigurt është se Islamin e pret një periudhë më e gjatë jashtë terreneve sportive, duke qenë një mungesë e rëndësishme për skuadrën tetovare./Sportmania/

Lajme

Mbrëmja e “Duelit Sportiv” përfundon me incident në mes të Liridon Lecit dhe Edonisa Aliut

Televizioni Dukagjini ka njoftuar ndërprerjen e menjëhershme të bashkëpunimit me panelistin Liridon Leci, pas një incidenti që ka ndodhur të dielën mbrëma, pas përfundimit të emisionit “Dueli Sportiv”.

Sipas reagimit të televizionit, incidenti ka ndodhur mes Lecit dhe mysafires së emisionit, ish-futbollistes Edonisa Aliu.

Drejtori i Informacionit në TV Dukagjini, Dibran Istrefi, ka bërë të ditur përmes një njoftimi në rrjetin social Facebook, se vendimi është marrë pas shqyrtimit të rrethanave të rastit.

Televizioni ka theksuar se situata të tilla janë të papranueshme, ndërsa ka bërë të ditur se me rastin po merren organet e rendit dhe të drejtësisë.

TV Dukagjini ka shprehur gatishmërinë për bashkëpunim të plotë me organet përkatëse, të cilat pritet të sqarojnë rrethanat e incidentit.

Lajme

“Ballistët” formojnë strukturën e re organizative!

Tifogrupi i Shkëndijës ka formuar sonte strukturën e re organizative, pas mbledhjes së mbajtur më 4 tetor. Kryesia e ngushtë do të përbëhet nga 6 anëtarë, ndërsa për kryetar është zgjedhur Shaban Zeneli.

Kryesia e re do të ketë përkrahjen edhe të një grupi punues, i cili do të funksionojë si strukturë më e gjerë në mbështetje të kryesisë dhe tifogrupit.

Organizimi i parë i këtij kapitulli të ri do të jetë të dielën, më 11 tetor, në udhëtimin për ndeshjen Shkëndija e Haraçinës – Shkëndija, që do të zhvillohet në stadiumin e Çairit.