Lifestyle

“Iku nga Shqipëria se i thashë, s’më interesonte”, Hysenbelliu i përgjigjet Angela Martinit: Mbahesh mend për meshkujt që ke pas…

Fatmir Hysenbelliu ka reaguar për herë të parë pas deklaratave që modelja Angela Martini bëri ku përmendi një marrëdhënie të shkurtër me të dhe aludoi për presion mediatik ndaj saj.

Në një reagim për “Live from Tirana”, Hysenbelliu e mohoi versionin e modeles, duke e konsideruar gjithë situatën si “për të qeshur, por edhe për të ardhur keq”.

“Një grua e martuar, me fëmijë, që jeton përtej oqeanit, flet për një ‘lidhje’ që unë as nuk e konsideroj të tillë. Ajo u largua nga Shqipëria pasi unë nuk kisha interes më,” – u shpreh ai.

Ai gjithashtu mohoi kategorikisht që të ketë ushtruar ndikim mbi gazetarët apo mediat që zotëron, për të censuruar emrin e saj.

“Asnjë gazetari nuk i kam thënë të mos publikojë lajme për të. Përkundrazi, ka dalë dje në mediat tona, ndoshta nuk i ka pëlqyer mënyra si është trajtuar,”– tha Hysenbelliu.

Sa i përket përdorimit të imazhit të saj në reklama, ai shpjegoi se ishte një vendim i stafit pas blerjes së një marke, duke sqaruar se reklamat ishin të vjetra dhe të përdorura më herët. Më tej ai thotë:

“Tani mora vesh që ka hapur gjyq. Ndoshta për më shumë para. Por ne e kemi fituar. Angela Martini duhet të kërkojë falje. Ajo mbahet mend vetëm për meshkujt që ka patur dhe për asgjë tjetër.”

Deklarata e plotë e Fatmir Hysenbelliut:

Mirëmëngjes, Ronaldo!

Kjo situatë është për të qeshur dhe për të ardhur keq — si një grua e martuar dhe nënë fëmije, që besoj jeton përtej oqeanit, e që nuk kam pasur kontakt me të që nga viti 2015, dhe që unë nuk e konsideroj lidhje. Kanë qenë shumë miq rreth nesh në atë periudhë që mund ta vërtetojnë se ajo u largua nga Shqipëria, sepse unë i thashë që nuk kam më interes tek ajo.

Dhe në vitin 2025 ta kthesh situatën sipas dëshirës është vërtet WOW — ku mund të arrijnë njerëzit për çfarëdolloj përfitimi që duan ta arrijnë dhe nuk e kuptoj nëse është për të hedhur baltë mbi imazhin tënd ose të familjes tënde për përfitime nga të tjerët!

Sa i përket reklamës për një nga bizneset tona, kur ne e blemë si kompani, stafi i ri që kemi vendosur përdori reklamat ekzistuese, dhe njëra nga to paska qenë edhe kjo. Tani mora vesh që ajo ka hedhur në gjyq kompaninë që të mos përdorej më imazhi i saj, sepse donte më shumë lekë, por gjyqi ka përfunduar në favorin tonë, dhe ajo reklamë nuk është përdorur më.

Sa i përket lajmeve, asnjë gazetari nuk i kam thënë që të dalë ose të mos dalë ajo në mediat tona — as unë, as familja ime — sepse nuk përbën asnjë lloj interesi për ne. Jo më t’u themi mediave të tjera (ku secila është e pavarur). Përkundrazi, ajo ka dalë gjithmonë kur ka qenë lajm tek ne — jo më afër se dje.

Mbase nuk i ka pëlqyer shkrimi i gazetarit — për këtë nuk di ç’të them, gazetarët janë të pavarur!

Nuk është faji im nëse ajo vajzë nuk di emrin e vet dhe e kërkon me “G” dhe jo me “XH” dhe nuk i dalin lajmet. Nëse futesh, ke 100 lajme të saj në mediat tona. Pashë që vetëm 2-3 lajme të para shumë viteve nuk hapen, dhe po e investigojmë këtë gjë.

Por të arrijë një person deri këtu, të “hapë zorrët e barkut” për klikime apo lajme… turp t’i vijë!

Nuk do të prononcohesha për askënd, sepse nuk dua t’i jap rëndësi një personi që nuk ekziston për mua, kur unë kam jetën time. Por thjesht të bëra një përmbledhje për respekt.

Dhe besoj se ajo vajzë duhet të na kërkojë një FALJE të madhe, sepse ne jemi një familje që gjithçka e kemi arritur me forcat tona, në mënyrë të ndershme — jo si ajo, që mbahet mend vetëm nga meshkujt që ka pasur dhe nga asgjë e arritur në jetë!

Lifestyle

Edhe një hit nga Enisa Limanmera, cilës shoqe i këndon ajo?

Këngëtarja e talentuar Enisa Limanmera ka publikuar projektin e saj më të ri muzikor, të titulluar “Shoqja jem”, i cili po pritet me shumë entuziazëm nga publiku.

Videoklipi, i publikuar në YouTube, ka nisur të mbledhë reagime pozitive që në momentet e para dhe po shihet si njëra ndër krijimet më të veçanta të artistes.

“Shoqja jem” sjell një atmosferë të ngrohtë, të sinqertë dhe shumë emocionale, duke u fokusuar në vlerën e shoqërisë së vërtetë dhe lidhjet që e mbajnë njeriun të fortë.

Me vokalin karakteristik dhe interpretimin e ndjerë, Enisa arrin të përcjellë një mesazh që prek çdo dëgjues.

Videoprojekti është punuar me cilësi të lartë, duke kombinuar skena artistike dhe ngjyra të forta vizuale që pasqyrojnë emocionin e këngës.

Muzika dhe teksti shkrijnë bashkë një histori të pastër miqësie, e cila po e afron edhe më shumë publikun me Enisën.

Lifestyle

Gjergj Pjetër Ndrejaj frymëzon projektin më të ri artistik, një homazh muzikor dhe koreografik për trashëgiminë e Malësisë

Një projekt artistik me vlera të thella kulturore ka ardhur së fundi para publikut, duke sjellë një ndërthurje të fuqishme mes muzikës, interpretimit dhe traditës së Malësisë. Kënga e re, e realizuar nga disa prej emrave më të njohur të skenës sonë, ngre në qendër figurën dhe trashëgiminë e Gjergj Pjetër Ndrejajt, një prej emrave që ka lënë gjurmë të pashlyeshme në identitetin kulturor të trevave tona.

Koreografia e projektit mban firmën e Aurora Ndrejajt, e cila ka arritur të sjellë një interpretim të fuqishëm emocional, duke e mbështetur gjithë projektin mbi motivet autoktone, lëvizjet tradicionale dhe simbolikën e Malësisë.

Teksti i shkruar nga Dodë Kaçaj përçon ndjenjën e krenarisë, kujtesës historike dhe rrënjëve familjare – një narrativë që ndërtohet rreth vlerave që përfaqësonte vetë Gjergj Pjetër Ndrejaj, figurë e respektuar në komunitet dhe njeri me kontribut të jashtëzakonshëm.

Muzika e kompozuar nga Fran Marvukaj dhe orkestrimi mjeshtëror i Arben Bytyqit, të realizuar në Studio Arben Bytyqi, e kompletuan projektin në nivel profesional, duke krijuar një atmosferë që përmbledh mall, fuqi dhe identitet kombëtar.

Videoja e realizuar nga Smart Production e sjell projektin me një vizualitet modern, duke ruajtur njëkohësisht autenticitetin e traditës – një bashkim i rrallë mes teknologjisë së sotme dhe trashëgimisë kulturore.

Ky projekt nuk është thjesht një realizim artistik – është një homazh për Gjergj Pjetër Ndrejajn, një figurë që në Malësi kujtohet për urtinë, karakterin dhe vlerat që la pas. Kënga dhe koreografia synojnë të përçojnë po atë forcë shpirtërore që ai kishte mbjellë te brezat.

Artistët, secili në rolin e tij, kanë arritur të krijojnë një produkt të përbashkët që ruan kujtimin e tij dhe e transformon atë në art modern, të qasshëm për publikun e sotëm.

Ky projekt po pritet me shumë emocion nga komunitetet brenda dhe jashtë vendit, si një vepër që ringjall ndjenjën e përkatësisë dhe krenarisë për Malësinë, për njerëzit e saj dhe për figurat që lanë gjurmë – si Gjergj Pjetër Ndrejaj.

Lifestyle

Liria vjen me një super bashkëpunim me Malsorin, potpuria që zgjon vëmendjen e publikut (Video)

Liria Dedvukaj po e përfundon vitin me hap të madh, bashkëpunimi me Malsorin, “Potpuri”, është tashmë publik dhe po grumbullon klikime e reagime tejet pozitive. Kjo potpuri shënon një kthesë të rëndësishme në karrierën e saj, nga imazhi i lirshëm, drejt një prezence më të përgatitur, profesionale dhe të fokusuar në tregun muzikor.

Në video, Liria shfaqet me styling të përditësuar, koreografi dinamike dhe një vizualitet që reflekton përkushtimin ndaj detajeve: nga makijazhi, kostumet, lighting-u e deri te ritmi i skenës. Ky lloj investimi është rrallë rast te artistët në këtë fazë, dhe tregon se ajo synon të ngrihet në nivele më të larta.

Nga ana profesionale, Liria ka deklaruar se “Potpuri” përfaqëson një fazë të ri artistike për të – një dorë e re, një zë më të fortë dhe mesazh më të qartë për audiencën. Ajo ka theksuar se dëshiron të jetë jo vetëm interprete, por e përkushtuar edhe për tekstet dhe konceptet e klipeve, dhe ky projekt është dëshmi e këtij qëllimi.

Duke vepruar paralelisht me Malsorin një artist me përvojë që po rikthehet Liria përfiton nga bashkëpunimi për të zgjeruar audiencën e saj dhe për të konsoliduar pozicionin në industrinë e muzikës. Nga ana tjetër, fansat e saj shprehen se ky bashkëpunim është “ashtu siç e prisnim” dhe se Liria ka “arritur të rritet”.

Lirija do të shfrytëzojë këtë moment për të publikuar edhe materiale të tjera gjatë vitit: ndoshta një mini-album, tour koncertesh ose aktivitete në mediat sociale për të forcuar imazhin e saj. “Potpuria” pritet të jetë vetëm fillimi.

Ky duet nuk është vetëm një këngë e re, por një stacion i rëndësishëm në rrugëtimin e saj artistik. Me këtë hap, ajo tregon se është gati për të konkuruar në arenën më të madhe, dhe rruga vetëm sapo ka filluar.

Dëgjojeni në vazhdim: