Policia e Maqedonisë së Veriut ka ngritur kallëzim penal ndaj 57 vjeçarit nën dyshimet se kundërligjshëm ka përvetësuar 552 mijë denarë. 

“Kallëzim penal kundër Z.G. (57) nga Strumica për shkak të ekzistimit të bazave të dyshimit se ka kryer veprën penale “keqpërdorimi i detyrës dhe autorizimit zyrtar” në dhjetëra raste”, njoftoi Policia.

Ai në mandatin e kaluar kundërligjshëm ka marrë pagë shtesë çdo muaj, kështu ka përfituar 552 520 denarë. Vendime të tilla ka sjellën edhe për tetë të punësuar tjerë në “Komunales” – Strumicë.

“Me veprimet e këtilla, i denoncuari ka dëmtuar buxhetin e NPVK-së “Komunalec”- Strumicë në një shumë të përgjithshme prej 864.520 denarësh”, raportoi Policia.(Portalb.mk)

Kryetari i Alternativës dhe njëri prej liderëve të VLEN, Zeqirija Ibrahimi ka marr pjesë në emisionin ZOOM në TVM2 ku ka folur për ngjarjet e fundit politike sidomos për zgjedhjet e fundit lokale dhe fitoren e VLEN në shumicën e komunave shqiptare.

Ibrahimi ka sfiduar Ali Ahmetin, duke theksuar se kur të dëshiroje ai shkojmë në zgjedhje të parakohshme parlamentare.

“Ne jemi të gatshëm që kur të doje zoti Ahmeti shkojmë në zgjedhje parlamentare edhe njëherë. Absolutisht kur të krijohen kushtet, të merremi vesh shkojmë në zgjedhje të parakohshme dhe edhe njëherë zotin Ahmeti ta bindim se është humbës. Gjasa ka por nuk ka arsye. Për shkak se shumica është stabile. Për shkak se pushteti lokal është i fituar. Për shkak se ne kemi plot punë për të realizuar dhe nuk ia vlen të bëjmë një garë elektorale edhe njëherë vetëm për të dëshmuar se kush është më i fuqishëm”, deklaroi Ibrahimi.

Goditja në tru mbetet një nga shkaqet kryesore të vdekshmërisë dhe paaftësisë afatgjatë në vend, ndërsa mjekët theksojnë se shumë raste mund të parandalohen me një stil jetese të shëndetshëm dhe me kontrolle të rregullta mjekësore. Me këtë rast Klinika Universitare e Neurologjisë në Shkup thotë se dita e hapur për qytetarët, ku u ofruan ekzaminime falas Doppler të arteries karotide, ka qenë e suksesshme.

Sipas të dhënave të Klinikës, çdo vit në Maqedoninë e Veriut regjistrohen rreth 5000 raste të reja të goditjeve në tru, ndërsa vendi renditet ndër shtetet me nivel mesatar të incidencës dhe prevalencës. “Kemi rreth 200 deri në 300 raste të goditjeve në tru për 100.000 banorë, ndërsa prevalenca është nga 500 deri në 600 për 100.000. Asnjë moshë nuk është e kursyer – goditja mund të ndodhë edhe në fëmijëri”, tha prof. dr. Anita Arsovska, shefe e Departamentit të Neurologjisë së Urgjencës në Klinikën Universitare të Neurologjisë. Ajo theksoi se reagimi i shpejtë është jetik, pasi çdo minutë ka rëndësi për shpëtimin e jetës dhe ruajtjen e funksioneve të trurit.

“Shenjat paralajmëruese janë të folurit e paqartë, shtrembërimi i fytyrës dhe paraliza në njërën anë të trupit – në krah ose këmbë. Pacienti duhet menjëherë të dërgohet në institucionin më të afërt shëndetësor, gjegjësisht në Klinikën e Neurologjisë”, theksoi Arsovska. Në Klinikë, tregon ajo, trajtohen madje pacientë mbi moshën 14 vjeç, ndërsa rastet e moshave të reja po bëhen gjithnjë e më të shpeshta, sipas mjekëve.

Ministri i Shëndetësisë, Azir Aliu, ndërkohë ka përmendur rëndësinë e parandalimit dhe edukimit shëndetësor.

“Sistemi ynë shëndetësor nuk duhet parë vetëm si mekanizëm trajtimi, por edhe si sistem parandalimi. Ditë si kjo janë shumë të rëndësishme për informimin dhe ndërgjegjësimin e qytetarëve mbi mënyrën si të njohin simptomat, stilin e jetesës që duhet ndjekur dhe dietën që ndihmon në shmangien e sëmundjeve”, thotë Aliu, ndërsa shton se është i impresionuar nga përkushtimi i stafit të Klinikës dhe përmirësimet e brendshme që janë bërë për të optimizuar shërbimet neurologjike.

“Në një kohë të shkurtër, drejtoria ka arritur të organizojë një ngjarje të tillë ndërgjegjësuese dhe të modernizojë proceset e punës”, shtoi ai, ndërsa ka apeluar që kujdesi për trurin duhet të jetë pjesë e përditshmërisë sonë, pasi parandalimi fillon me ne – me ushqimin e shëndetshëm, aktivitetin fizik, kontrollin e tensionit dhe shmangien e stresit e duhanit. /Koha/