Shumica e të dënuarve për ngjarjet e 27 prillit të vitit 2017 kanë marrë lirimin me kusht, pasi kanë vuajtur më shumë se dy të tretat e dënimeve me burg, shkruan “Skopje 1” duke iu referuar burimeve në Gjykatën Penale.

Sipas të njëjtave burime, vendimet i ka marrë Këshilli Penal, i cili ka vlerësuar se janë përmbushur kushtet ligjore për të marrë një vendim të tillë. Para Vitit të Ri, pritet lirimi i Munir Pepiq, Oliver Popovski, Vllatko Trajkovski, Dushko Lazarov, Jane Çento, Mitko Peshov, Goran Gjosevski dhe Nikolla Mitrevski.

Deri më tani, lirimin e kanë marrë Mlladen Dodevski dhe Goran Angelov-Çoseto, të cilët ishin ndër të parët që dolën nga burgu.

Sipas të njëjtave burime, Oliver Radullov ka marrë lirimin me kusht para gjashtë muajsh.

Sipas “Skopje 1”, pranë Gjykatës Penale është dorëzuar edhe kërkesa për rigjykim, për shkak të ekzistencës së dëshmive të reja që mund të ndikojnë në rezultatin e procedurës. Kjo kërkesë pritej të dorëzohej dhe është paralajmëruar nga të dënuarit gjatë viteve të fundit.

Lirimi me kusht caktohet ekskluzivisht nga Gjykata dhe sipas ligjit mund të përfshijë masa të veçanta ndihme, kujdesi, mbikëqyrjeje ose mbrojtjeje, të cilat zbatohen nga organi kompetent në përputhje me ligjin.

Komuna e Kumanovës ka filluar rrënimin e pjesëve shteës (pa leje) të objekteve hoteliere, të cilat janë vendosur ilegalisht në sipërfaqet publike të qytetit.

Autoritetet informojnë se prishja e objektit “Irish Pub”, është duke u realizuar, kurse gjatë muajit janar një pasë e tillë ligjore (e rrënimit) do të ndërmerret edhe ndaj dy objekteve hotelerikë në zonën qendrore të qytetit.

“Shumica e objekteve hoteliere tanimë një kohë të gjatë I kanë marrë Vendimet për rrënimin (tërheqjen) e pajisjeve urbane, sepse nuk kanë leje për ndërtimin e tyre conform Vendimit të cilin e ka sjellë Këshilli Komunal i Kumanovës. Pasiqë pronarët e lokaleve nuk I prishën me kohë objektet për të cilat nuk kanë leje adekuate ndërtimi, një gjë të tillë do të duhet ta bëjmë organet komunal gjë pas së cilës ata janë të detyruar ta bëjnë kompensimin. Në rastin konkret tek “Irish Pub”, pajisjet urbane është duke I tërhequr vetë pronari”, thonë nga Komuna e Kumanovës.

Disa muaj më parë, një aksion rrëzimi u realizua tek dyqani që zinte trotuarin në bulevarin “Oktomvriska Revolucija” Kumanovë.
Qytetarët e mirëpresin vendimin dhe kërkojnë nga autoritetet kompetente komunale, që të mos ketë qasje selektive.
“Se sa objekte do të rrënohen do të varet nga mundësitë financiare, domethënë, derisa të shpenzohen fondet e planifikuara”, shtojnë autoritetet.

Për këtë qëllim, Komuna e Kumanovës ka ndarë 3 milionë denarë, ose rreth 35,000 euro, në buxhetin e vitit 2025.

Për shkak të arsyeve artificiale, ne ende nuk mund të jemi pjesë e familjes evropiane, tha kryeministri Hristijan Mickoski në Bruksel.
Ai theksoi se Qeveria po ndërmerr të gjitha reformat për të filluar negociatat dhe se qytetarët meritojnë të jenë në BE.

“Është mirë kur Ballkani Perëndimor është në perspektivën e Bashkimit Evropian, është inkurajuese për qytetarët e Ballkanit Perëndimor sepse në këtë mënyrë tregohet interesi për të ardhmen tonë të përbashkët sepse Ballkani Perëndimor gjeografikisht i përket Evropës dhe është logjike që ata të integrohen së bashku brenda BE-së. Ne si vend e meritonim këtë shumë kohë më parë sepse rruga jonë filloi 25 vjet më parë, por për shkak të asaj që do të thoja arsye artificiale, ende nuk mund të jemi pjesë e familjes evropiane. Si vend dhe si qeveri, ne po lidhemi për të ofruar gjithçka që nevojitet në këtë proces, jo për shkak të vetë procesit, por mbi të gjitha për shkak të qytetarëve, sepse ata e meritojnë”, tha Mickoski.

Ai shprehu pritjen e tij që çështjet dypalëshe nuk do të jenë pengesë në këtë proces.