Ka ndërruar jetë Bashkim Mani, 45-vjeç, ish-ushtarë i Ushtrisë Çlirimtare Kombëtare nga Shkupi. I riu dje ka pësuar sulm në zemër, ndërsa nuk është ankuar më parë për shetësime shëbdetësore.

Ngushëllime kanë ardhur gjithandej Maqedonisë, ndërsa ka shkruar edhe kryetari i BDI-së, Ali Ahmeti.

“Ngushëllime familjarëve, miqve dhe bashkëluftëtarëve të Bashkim Manit! Ky lajm i kobshëm na kapi të gjithë në befasi. Ai ishte jo vetëm bashkëluftëtari im, por edhe një nga themeluesit e parë të BDI-së. Kujtimi i tij, guximi dhe kontributi i tij do të mbeten gjithmonë ndër ne”, ka shkruar Ahmeti.

Bashkim Mani, babai i tre fëmijëve, do të varroset sot, në ora 15:00, te varrezat e veteranëve të UÇK-së në Haraçinë.

Kushtet motit sot shkaktuan probleme në Aeroportin Ndërkombëtar të Shkupit, përcjell TV21. Për shkak të mjegullës së dendur në luginë, disa fluturime po vonohen, ndërsa një fluturim është anuluar plotësisht.

Kushtet e motit ndikojnë në uljet dhe ngritjet e avionëve, duke krijuar sfida shtesë për udhëtarët dhe kompanitë ajrore.

Vonesa më e madhe te fluturimet e ardhjes është regjistruar te fluturimi i “Pegasus” nga Stambolli (Sabiha Gökçen). Fluturimi i “Wizz Air” nga Dortmund do të arrijë me vonesë prej 30 minutash, ndërsa fluturimi i “Adjet” nga Stambolli është anuluar. Fluturimet nga Nurnbergu, Friedrichshafen dhe Vijena deri tani po realizohen sipas orarit të rregullt.

Vonesa po regjistrohet edhe te fluturimet nga Shkupi. Fluturimi i “Wizz Air” për Paris është shtyrë për 35 minuta dhe do të niset në orën 13:00, ndërsa fluturimi i “Turkish Airlines” për Stamboll do të niset me vonesë prej një ore e 20 minutash, domethënë në orën 14:20.

Udhëtarët këshillohen të ndjekin informacionet më të fundit nga aeroporti dhe kompanitë ajrore para udhëtimit të tyre.

Më 19.12.2025 në periudhën prej ora 22:10 deri në 23:55, zyrtarë policorë nga SPB Tetovë në bashkëveprim me Inspektoratin Shtetëror të Punës, Inspektoratin Shtetëror të Tregut dhe Drejtorinë e të Hyrave Publike, kanë kryer kontroll aksion në objektet hoteliere në rajonin e SPB Tetovë.

Me këtë rast, në një objekt hotelier në Tetovë në rrugën “Jovan Onçevski” ku si menaxherë janë paraqitur I.S. (23) dhe M.J. (22), të dy nga fshati Bërvenicë, janë hasur gjashtë persona të mitur, të cilëve u ishin shërbyer pije alkoolike. Të miturit u janë dorëzuar prindërve të tyre dhe kundër pronarëve do të vijojë parashtresë përkatëse në lidhje me veprën penale të kryer “shërbim i alkoolit për të mitur” sipas nenit 204 të Kodit Penal të RMV-së, ndërsa nga ana e organeve të tjera janë ndërmarrë masa dhe aktivitete nga kompetenca e tyre.