Ori rikthehet me projektin e ri muzikor “Abuzues”, një baladë emocionuese që sjell në qendër forcën, ndjeshmërinë dhe qëndresën e femrës. Pas një periudhe të suksesshme aktiviteti artistik në Londër, këngëtarja vjen para publikut me një këngë që pritet të lërë gjurmë në skenën muzikore shqiptare.
“Abuzues” është publikuar zyrtarisht nga Fole Publishing dhe përfaqëson një kapitull të ri në rrugëtimin artistik të Orit. E vendosur prej vitesh në Londër, ajo ka vijuar të jetë aktive në muzikë, duke performuar në evente të ndryshme dhe duke ruajtur një lidhje të fortë me publikun shqiptar.
Kënga vjen si një baladë e ndjerë, ku emocionet e jetës reale shndërrohen në art. Muzika është realizuar nga Roi Records, ndërsa teksti mban firmën e vetë artistes, duke e bërë projektin edhe më personal. Përmes vargjeve dhe interpretimit të saj, Ori përcjell një mesazh që prek çdo grua që ka kaluar sfida, zhgënjime apo momente të vështira në jetë.
Me “Abuzues”, artistja sjell jo vetëm një këngë, por një rrëfim të sinqertë që flet për plagët, ringritjen dhe forcën për të ecur përpara.

Këngëtari Florim Gega ka publikuar projektin e tij më të ri muzikor të titulluar “Kthehu” me tekst dhe muzikë nga Granit Gashi, një baladë e fuqishme që vjen me një ndjesi të thellë emocionale dhe një interpretim të ndjerë që nga nota e parë deri në fund.

“Kthehu” trajton temën e dashurisë së humbur dhe dëshirës për rikthim, duke e sjellë historinë në një mënyrë të thjeshtë, por shumë prekëse. Vokali i Florim Gegës qëndron në qendër të projektit, duke e bërë këngën të komunikojë drejtpërdrejt me dëgjuesin, pa nevojë për elemente të tepruara muzikore.

Ajo që e veçon këtë projekt është edhe videoklipi, i cili vjen me një realizim të nivelit shumë të lartë. Për herë të parë në këtë stil, shfaqet një video me cilësi të jashtëzakonshme vizuale dhe standard modern produksioni, ku çdo skenë është ndërtuar me kujdes artistik, duke i dhënë këngës një dimension kinematografik.

Kombinimi i muzikës së ndjerë me një klip të punuar profesionalisht e ngre “Kthehu” në një projekt të kompletuar, që nuk mbetet vetëm një këngë, por një përjetim i plotë artistik.

Në tërësi, “Kthehu” vlerësohet si një nga baladat më të realizuara të momentit, duke konfirmuar Florim Gegën si një emër të qëndrueshëm në skenën e muzikës së ndjerë dhe emocionale. përcjell Zhurnal.mk .

Këngëtarja Blerta Veseli ka ardhur fuqishëm me projektin e saj më të ri muzikor, duke sjellë një atmosferë krejt tjetër në skenën shqiptare. Me stilin e saj unik, energjinë “gangsta” dhe paraqitjen plot karakter, Blerta po dëshmon se di si të tërheqë vëmendjen që në sekondat e para.

Kënga e re vjen me beat të fortë, ritëm modern dhe një vibe urban që e bën projektin të duket si një super produksion ndërkombëtar. Interpretimi i Blertës është i guximshëm, i sigurt dhe plot attitude, ndërsa klipi sjell skena dinamike, luks, stil rruge dhe një estetikë që përputhet perfekt me frymën e këngës.

Pas këtij produksioni qëndron emri i njohur NURTEEL, i cili edhe kësaj radhe ka sjellë një sound modern dhe mjaft të kapshëm për publikun. Në realizimin vizual është përkujdesur XL FILMS, duke i dhënë klipit pamje kinematografike dhe atmosferë të fuqishme urbane, ndërsa producent ekzekutiv i projektit është LABINOT NURAJ.

Blerta Veseli në këtë projekt shfaqet më e guximshme se kurrë, duke kombinuar muzikën ritmike me një paraqitje që reflekton vetëbesim, stil dhe identitet artistik. Fansat kanë reaguar menjëherë në rrjete sociale, duke e cilësuar projektin si një nga publikimet më “hard” dhe më të veçanta të momentit.

Në kohën kur tregu muzikor po mbushet me projekte të ngjashme, Blerta duket se ka zgjedhur të vijë ndryshe — me personalitet, energji dhe një frymë “street vibe” që e bën projektin të dallohet menjëherë.

Kënga tashmë është publikuar në YouTube dhe po merr reagime të shumta nga publiku e fansat e muzikës urbane.