Lajme

Shefi i OBSH-së paralajmëron: Bëhuni gati për sëmundjen X

Sekretari i përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, ka theksuar rëndësinë e përgatitjes për sëmundjen X, duke shprehur shpresë se deri në muajin maj vendet do të arrijnë një marrëveshje pandemike për të trajtuar këtë “armik të përbashkët”, transmeton Anadolu.

“Marrëveshja e pandemisë mund të sjellë në një të gjithë përvojën, të gjitha sfidat me të cilat jemi përballur dhe të gjitha zgjidhjet”, tha Ghebreyesus në Forumin Ekonomik Botëror në Davos të Zvicrës.

Duke theksuar se sëmundja X, një sëmundje e panjohur, u përdor si term për herë të parë në vitin 2018, Ghebreyesus theksoi se ka gjëra të panjohura që mund të ndodhin dhe se çdo gjë që ndodh është “çështje kur e jo nëse”.

“Ne nuk duhet të përballemi me gjërat të papërgatitur, ne mund të përgatitemi edhe për disa gjëra të panjohura”, tha Ghebreyesus në panelin e diskutimit të titulluar “Përgatitja për sëmundjen X”.

Duke iu referuar rëndësisë së kërkimit dhe zhvillimit, si dhe infrastrukturës shëndetësore dhe fuqisë punëtore për t’u përgatitur për sëmundjen X, Ghebreyesus theksoi se shëndeti parësor është vendimtar siç e pa bota gjatë pandemisë COVID-19.

“Edhe komunitetet mund të përgatiten për sëmundjen X”, tha Ghebreyesus, duke shtuar se shëndeti publik, arsimi dhe komunikimi duhet të jenë në qendër.

Duke përsëritur rëndësinë e marrëveshjes së pandemisë, ai theksoi se kjo mund të ndihmojë botën të përgatitet për të ardhmen në një mënyrë më të mirë.

“Për shkak se bëhet fjalë për një armik të përbashkët, pa një përgjigje të përbashkët, duke u nisur nga gatishmëria, do të përballemi me të njëjtin problem si COVID-i”, tha shefi i OBSH-së.

Duke kujtuar se afati i fundit për marrëveshjen e pandemisë është muaji maj i vitit 2024, Ghebreyesus tha se shpreson që vendet të arrijnë këtë marrëveshje pandemike deri në atë kohë.

Më tej, ai tha se nëse ky brez që ka përvojë të dorës së parë nuk mund ta bëjë këtë, ai nuk mendon se do ta bëjë gjenerata e ardhshme.

“Pra, për hir të fëmijëve dhe nipërve tanë, ne duhet ta përgatisim botën për të ardhmen”, u shprej Ghebreyesus.

Lajme

Gjendet pa shenja jete një grua në Mavrovë, ja detajet

Një grua 58-vjeçare është gjetur pa shenja jete në një shtëpi vikendi në Hanet e Mavrovës. Rasti është raportuar në Stacionin Policor të Mavrovës, ndërsa mjeku ka konstatuar vdekjen pa shenja dhune. “Me urdhër të prokurorit publik, trupi i pajetë është dërguar për obduksion”, njoftojnë autoritetet.

Lajme

Azir Aliu: Do t’i japim fund mitos në shëndetësi

Ministri i Shëndetësisë, Azir Aliu paralajmëroi se përmes rregullimit të listës së pritjes së pacientëve për ndërhyrje kirurgjike do të ndalohet praktika e mitos për këtë çështje.

Megjithatë, qytetarët thonë se realiteti në terren vazhdon të jetë ndryshe. Sipas tyre, pa ryshfet dhe pa ndërhyrje nga njohjet, procedurat shpesh vonohen, duke i detyruar pacientët të presin me muaj të tërë për ndërhyrje.

“Nëse nuk ke miq, nuk ke asgjë. Çfarë të ju them….shkurtë e qartë nëse ke para ke menjëherë operacion, nëse nuk ke para nuk të përfillin”, u shpreh një qytetarë.

“Po pritet, mundet një muaj, dy ose më shumë …. kam pasur operacion për hernia, kam miq dhe më kanë përfunduar punë menjëherë”, tha një tjetër qytetarë.

“Përafërsisht për gruan time kam pritur gjashtë muaj”, theksoi një qytetarë.

“Me aq sa di është shumë vështirë, pasi nuk kanë personel, por shëndetësinë e kemi katastrofë. Ishim fantastik, tani jemi zero”, tha një qytetare.

“Më mirë mos më pyesni, pasi që gjithçka është kaos. Nëse ju them se për dopler të arterieve karotide kam pritur nga tetori deri në muajin mars, dhe në fund përsëri nuk kam kryer punë”, deklaroi një qytetarë.

“Nuk e di saktësisht, por e di se pritet shumë”, u shpreh një qytetarë.

Problemi me listën e pritjes për terminë ende nuk është tejkaluar. Drejtoresha e Klinikës së specializuar për mjekësi geriatrike dhe paliative, thekson se situata më shqetësuese mbetet për pacientët me demencë.

“Problemi në repartin e Geriatirsë, veçanërisht problemi me pacientët e kategorisë me demencë nuk është tejkaluar. Problemi qëndron ende, pasi që kapacitetet janë të njëjta nuk janë zmadhuar…në ndërkohë e dini se ka pasur skandale në sektorin privat, dhe ne jemi gjendur në një presion më të lartë për akomodimin e pacientëve. Zgjidhje të menjëhershme për këtë problem nuk është e mundur”, theksoi drejtoresha e Klinikës së Geriatrisë, Lençe Nelloska.

Lajme

Trump “nuk ka gjasa të pranojë” propozimin e Iranit për t’i dhënë fund luftës

Presidenti i SHBA-së, Donald Trump, sinjalizoi se nuk ka gjasa të pranojë propozimin më të fundit të Iranit për t’i dhënë fund luftës, pasi Teherani propozoi një plan për rihapjen e Ngushticës së Hormuzit, duke lënë çështjet për programin e tij bërthamor për negociata të mëvonshme, raportoi CNN, duke cituar dy burime të njohura me çështjen, transmeton Anadolu.

Sipas raportit, Trump përcolli qëndrimet e tij gjatë një takimi të së hënës me zyrtarë të lartë të sigurisë kombëtare ku u diskutua Irani, me një burim që tha se presidenti amerikan nuk ka gjasa të pranojë planin që i është dërguar SHBA-së gjatë ditëve të fundit.
Hapi i radhës i Trumpit mbeti i paqartë, thuhet në raport, duke shtuar se zyrtarët amerikanë janë ende të shqetësuar për atë që e quajnë përçarje të brendshme brenda udhëheqjes së Iranit dhe nuk është e qartë se kush mban autoritetin përfundimtar mbi çdo marrëveshje të mundshme.

Megjithatë, publikisht, Trump ka shprehur dyshime për rifillimin e fushatës së bombardimeve të SHBA-së, e cila aktualisht është pezull pasi ai zgjati armëpushimin javën e kaluar.

Shtëpia e Bardhë nuk ka dhënë detaje mbi formën ose drejtimin e negociatave në vazhdim.

“Këto janë diskutime diplomatike të ndjeshme dhe SHBA-ja nuk do të negociojë përmes mediave. Siç ka thënë presidenti, Shtetet e Bashkuara kanë në dorë letrat dhe do të bëjnë vetëm një marrëveshje që vendos në radhë të parë popullin amerikan, duke mos lejuar kurrë Iranin të ketë një armë bërthamore”, i tha CNN-it ndihmës-zëdhënësja e Shtëpisë së Bardhë, Olivia Wales.