Lajme

Talat Xhaferi, kryeministri i tretë teknik pas Dimitrievskit dhe Spasovskit

Talat Xhaferi, do të jetë kryeministri i tretë teknik në vend, pas nënshkrimit të Marrëveshjes së Përzhinos, në vitin 2015.

Qeveria e parë teknike u caktua më 18 janar të vitit 2016, me qëllimin që zgjedhjet të mbaheshin më 24 prill të të njejtit vit. Për kryeministër të parë teknik u caktua Emil Dimitriev nga VMRO-DPMNE, i cili do të zëvendësonte kryeministrin e atëhershëm Nikolla Gruevskin. Mirëpo zgjedhjet e caktuara për më 24 prill u shtyn fillimisht për në qershor dhe më pas në dhjetor të të njejtit vit, pastaj në maj u ndërpre mandati i Qeverisë teknike dhe u kthye Qeveria teknike paraprake. Pjesa e dytë e mandatit të Qeverisë së Përzhinos u rikthye në skenën politike përsëri më 2 shtator 2016, sërisht kryeministër teknik u bë Emil Dimitriev. Zgjedhjet u mbajtën më 11 dhjetor 2016, dhe më 29 dhjetor KSHZ i shpalli zgjedhjet të përfunduara, pasi ministrave dhe zëvendës ministrave të opozitës së atëhershëm ju përfundoi mandati, kurse Dimitriev qëndroi në krye të Qeverisë deri më 1 qershor 2017, kur u formua Qeveria politike.

Një model tjetër i Qeverisë teknike u caktua në kohën e pandemisë në vitin 2020, për zgjedhjet parlamentare, të cilat fillimisht u caktuan më 12 prill të atij viti. Për kryeministër teknik, më 3 janar 2020 u votua Oliver Spasovski, pozicion që deri atëherë e mbante kryetari i LSDM-së Zoran Zaev. Pandemia e koronavirusit, kërkoi intervenim politik për shpallje të gjendjes së jashtëzakonshme, për Qeverinë teknike me kompetenca të kufizuara që të mund të silleshin vendime me vlefshmëri ligjore. Zgjedhjet sërisht u prolonguan për më 20 korrik, pra në vend të 100 ditëve, Qeveria teknike zgjati pothuajse dyfish më gjatë, rreth 7 muaj.

Para se të caktohej Qeveria teknike e treta me radhë, partitë ishin të ndara në mendime nëse të ketë sërisht Qeveri teknike ose jo.

Përndryshe, Marrëveshja e Përzhinos ishte nënshkruar në vitin 2015 mes 4 partive që atëkohë ishin më të mëdha ne vend, VMRO-DPMNE-së, LSDM-së, BDI-së dhe PDSH-së. Kompetencat e kryeministrit teknik janë të kufizuara, teknike, dhe si Qeveri teknike do të jetë e obliguar për organizimin dhe mbarëvajtjen e zgjedhjeve të dyfishta që do të mbahen më 24 prill dhe 8 maj.

Lajme

NPK Tetovë në aksion për pastrimin e lumit Shkumbin, në terren edhe kryetari Kasami dhe drejtori Bislimi

NPK Tetovë në aksion për pastrimin e lumit Shkumbin, në terren edhe kryetari Kasami dhe drejtori Bislimi

NPK Tetovë ka zhvilluar aksion për pastrimin e mbeturinave në lumin Shkumbin, kositjen e kullosës dhe mirëmbajtjen e hapësirave përreth lumit.

Në terren ishte edhe drejtori i NPK Tetovë, dr. Samet Bislimi, ndërsa ekipit iu bashkua edhe Kryetari i Komunës së Tetovës, z. Bilall Kasami.

Aksioni është pjesë e punës së vazhdueshme të NPK-së për mirëmbajtjen e hapësirave publike dhe një mjedis më të pastër në qytet.

Bashkë për një Tetovë më të pastër dhe më të mirë! 🌿

https://www.facebook.com/share/r/1EWC6nXwCL/?mibextid=wwXIfr

Lajme

‘Fluturoi’ 119 km/h në zonën 50 km/h, arrestohet 23-vjeçari në Tetovë

Një 23-vjeçar nga fshati Gjermë është arrestuar në Tetovë pasi është kapur duke drejtuar automjetin me shpejtësi prej 119 km/h, në një pjesë të bulevardit „Vidoje Smilevski Bato“ ku kufizimi është 50 km/h.

Policia e ka ndaluar E.A. më 18 shtator në ora 06:14.

Me udhëzim të prokurorit publik, ai është privuar nga liria nën dyshimin për veprën penale „ngasje e pakujdesshme e mjetit motorik“, sipas nenit 297-a të Kodit Penal.

Pas dokumentimit të rastit, ndaj tij do të vijojë parashtresa përkatëse.

Lajme

“Interex” mori dritën jeshile për të blerë “Tinex”, përfshirë “SuperTinex”, “Tinex Delikates”, “Konto” dhe “Spot”

Komisioni për Mbrojtjen e Konkurrencës ka dhënë dritën jeshile për përqendrimin përmes të cilit kompania kosovare “Proeks Internacional” synon të marrë kontrollin mbi “Tinex Market” SHPK Shkup, thuhet në vendimin e miratuar nga anëtarët e Komisionit.

Nga vendimi bëhet e ditur edhe struktura e transaksionit të planifikuar. Më 2 korrik të këtij viti është nënshkruar një letër qëllimi ndërmjet “Tinex-MT”, si shitës, dhe “Proeks Internacional”, si blerës, përmes së cilës palët janë dakorduar për kushtet kryesore komerciale për marrjen e biznesit të shitjes me pakicë të supermarketeve të “Tinex” në Maqedoni.

Në dokument specifikohet se transaksioni përfshin biznesin që operon, ndër të tjera, me emrat “Tinex”, “SuperTinex”, “Tinex Delikates”, “Konto” dhe “Spot”.

Pas nënshkrimit të letrës së qëllimit, më 14 korrik 2026, “Tinex-MT” ka regjistruar shoqërinë e re “Tinex Market” SHPK Shkup, e cila, sipas vendimit, është krijuar për të shërbyer si mjet për marrjen në kontroll dhe vazhdimin e operimit të këtij biznesi.

Biznesi i shitjes me pakicë, ose pjesët përkatëse të tij, pritet t’i vihen në dispozicion shoqërisë së re në përputhje me kushtet e dakorduara dhe dokumentacionin përfundimtar të transaksionit.

“Proeks Internacional” është kompani me seli në Prishtinë, aktiviteti kryesor i së cilës është tregtia me pakicë në dyqane të paspecializuara, kryesisht me ushqime, pije dhe produkte të duhanit.

Kompania është pjesë e “Proeks Group”, një grup biznesi kosovar i diversifikuar, aktiv në tregti, distribucion, shitje me pakicë, logjistikë dhe sektorin e energjisë. Grupi merret gjithashtu me importin dhe distribuimin e mallrave të konsumit të gjerë, menaxhimin e rrjeteve të supermarketeve, si dhe tregtinë, magazinimin dhe distribuimin e derivateve të naftës.

Një tjetër detaj interesant është se “Proeks Internacional” dhe grupi të cilit i përket deri më tani nuk kanë pasur subjekte të lidhura të regjistruara në Maqedoni, ndërsa gjatë vitit 2025 nuk kanë realizuar të ardhura në tregun maqedonas.

Njoftimi për përqendrimin i është dorëzuar Komisionit më 10 gusht dhe është plotësuar një ditë më vonë. Komisioni më pas e ka shqyrtuar transaksionin dhe ka konstatuar se janë plotësuar kushtet ligjore për miratimin e tij.

Me këtë vendim, praktikisht është hequr pengesa nga aspekti i mbrojtjes së konkurrencës për realizimin e blerjes së planifikuar të biznesit të shitjes me pakicë të “Tinex” nga kompania kosovare “Proeks Internacional”.