Sport

Dr. Nevzat Jonuzi pjesë e konferencës mjekësore të FIFA-s në Boston

Në Boston të SHBA-së brenda periudhës 6 deri 8 shkurt është mbajtut konferenca mjekësore e FIFA-s.

Pjesë e këtij eventi ka qenë edhe Dr. Nevzat Jonuzi që është shef i departamentit të mjekësisë në Federatën e Futbollit të Maqedonisë së bashku me Dr. Angjelina Krsteva që është pjesë e ekipit mjekësor në përfaqësuesen A për femra.

Konferenca e FIFA-s mblodhi së bashku profesionistë mjekësorë nga e gjithë bota në një mbledhje të rëndësishme, duke u dhënë atyre mundësinë për të shkëmbyer njohuri dhe shkëmbim idesh dhe përvojash, si pjesë e përpjekjeve të FIFA-s për ta bërë mjekësinë e futbollit të aksesueshme për të gjitha shoqatat anëtare.

Konferenca në Boston u fokusua në kërkimet më të fundit shkencore dhe përparimet mjekësore në të gjithë futbollin dhe rolin e FIFA-s në promovimin e shëndetit të lojtarëve në të gjitha nivelet.

“Brenda konferencës së FIFA-s, misioni ynë strategjik është të përmirësojmë shëndetin e lojtarëve duke vendosur standarde në kujdesin dhe menaxhimin klinik dhe ne duam që ato standarde të jenë sa më të larta të jetë e mundur”, tha Dr. Andrew Massey, Drejtor i Departamentit Mjekësor të FIFA-s.

Në konferencën mjekësore, presidenti i FIFA-s, Gianni Infantino, foli për rëndësinë që organizata botërore i jep kujdesit shëndetësor të lojtarëve.

“Të gjithëve na u desh të merreshim me Covid-19 jo shumë kohë më parë dhe të ktheheshim në futboll nga pandemia dhe të gjithë ia dolëm ta bënim atë në mënyrën më të mirë të mundshme. Pra, ne do të duhet të vazhdojmë të investojmë në kërkimin mjekësor, në aktivitetin mjekësor, në teknologji, si dhe në ndihmën e mjekësisë. Ju jeni këtu për të na ndihmuar dhe për të ndihmuar botën të përparojë dhe të ndërmarrë hapa përpara në mbrojtjen e shëndetit të lojtarëve dhe të gjithë atyre përreth tyre”, tha Infantino.

Sport

Nafta pritet të shkoj në “hava”: Çfarë e pret Maqedoninë e Veriut?

Çmimet e naftës në Maqedoninë e Veriut pritet të pësojnë rritje të ndjeshme gjatë javës së ardhshme, si pasojë e tensionimit të situatës gjeopolitike dhe bllokimit të rrugëve kyçe detare, çka ka dërguar naftën e papërpunuar “Brent” në kuotën e 87 dollarëve për fuçi, përcjell INA.

Tregjet globale po reflektojnë frikën e një konflikti të zgjatur që prek Ngushticën e Hormuzit, duke rritur kostot e transportit dhe primet e sigurimit. Ky “shok” i ofertës pritet të godasë direkt tregun vendas të Maqedonisë së Veriut, i cili është tërësisht i varur nga importi.

Shifrat dhe parashikimet kryesore:

Gjendja aktuale: Çmimi i Eurodizelit është 71 denarë për litër, ndërsa benzina 95 oktan tregtohet me 74.5 denarë.

Efekti i naftës “Brent”: Një rritje prej 10 dollarësh për fuçi përkthehet në rreth 3.5 deri në 4 denarë shtesë për litër në çmimin bazë, pa llogaritur TVSH-në dhe margjinat e tregtimit.

Nëse nafta “Brent” stabilizohet në zonën 85–90 dollarë, çmimet në pompat vendase do të ndjekin një trend rritës të pashmangshëm në rregullimet e ardhshme të Komisionit Rregullator.

Rreziqet ekonomike dhe inflacioni

Dizeli mbetet pika më e ndjeshme e ekonomisë vendase. Si një “karburant inflacionist”, shtrenjtimi i tij pritet të rrisë zinxhirin e kostove në: transport dhe Logjistikë: rritje e menjëhershme e kostove të shpërndarjes; bujqësi dhe ndërtim; konsum: shtrenjtimi i produkteve ushqimore bazë për shkak të kostove logjistike.

Analiza e tregut

Përveç çmimit, autoritetet po monitorojnë edhe “rrezikun psikologjik”. Paniku i mundshëm për mungesë furnizimi mund të shkaktojë rritje artificiale të kërkesës, duke sfiduar sistemin e rezervave shtetërore. Megjithëse qeveria ka dhënë garanci për stabilitetin e rezervave, presioni politik po rritet për të ndërhyrë përmes ngrirjes së margjinave ose uljes së akcizave nëse trendi i rritjes vazhdon.

Vendimi i radhës i Komisionit Rregullator për Energjetikë, i cili do të shpallet të hënën, do të jetë treguesi i parë zyrtar se sa do të jetë kostoja reale e kësaj krize të re energjetike për qytetarët e Maqedonisë së Veriut.(INA)

Lajme

Shkëndija fiton derbin e madh kundër Vardarit, ngushtohet diferenca në 1 pikë për titullin

Shkëndija e Tetovës ka fituar derbin e madh kundër Vardarit, duke triumfuar në Shkup me rezultat 0:1 në duelin e luajtur në kuadër të xhiros së 21-të në Ligën e Parë të futbollit në Maqedoninë e Veriut.
Golin e vetëm të ndeshjes dhe të fitores për Shkëndijën e shënoi Liridon Latifi, i cili arriti të realizojë në minutën e 66-të, pasi mori një asist nga Besart Ibraimi.
Latifi kishte edhe një rast tjetër shumë të mirë për gol, kur u gjet i vetëm përballë portierit, por nuk arriti të realizojë.
Nga ana tjetër edhe Vardari tentoi disa herë të gjejë golin e barazimit, por në nivel të detyrës ishte portieri i kuqezinjëve, Gaje.
Me këtë fitore Shkëndija ngushton diferencën me 1 pikë me Vardarin që vazhdon të kryesojë renditjen tabelare.
Ndërkohë xhiroja e 21-të mbyllet me duelin Pelisteri – Sileksi që ka nisur nga ora 16:00.

Sport

“A është kjo foto shumë e fortë?”, Griezmann i hakmerret Barcelonës me një postim brutal

Antoine Griezmann kishte një hesap për të larë me Barcelonën dhe ai mori hak sapo Atletico Madridi siguroi një vend në finalen e Kupës së Mbretit, duke i dërguar të njëjtin mesazh klubit katalunas që Barça i kishte dërguar përmes rrjeteve sociale pas një ndeshjeje Atletico-Barcelona sezonin e kaluar.

Në atë rast, në mars të vitit 2025, Barcelona postoi një foto në llogaritë e saj në rrjetet sociale ku shfaqej Griezmann me njëmbëdhjetë lojtarët e Barçës në sfond, duke qëndruar në një rreth.

“Kjo foto është shumë e fortë”, shkroi Barcelona mbi postim. Mesazhi erdhi pas fitores 4-2 të Barcelonës në ‘Metropolitano’ në një ndeshje të La Ligas ku Atletico fillimisht kishte udhëhequr 2-0.

Këtë të martë, pasi Atletico Madridi siguroi vendin e tyre në finalen e Kupës së Mbretit pavarësisht humbjes 3-0 në Camp Nou, falë fitores së tyre 4-0 në ndeshjen e parë, Griezmann ia ktheu ‘nderin’ ish-skuadrës së tij me të njëjtën shprehje.

Ai përdori një fotografi të tij duke festuar së bashku me dy lojtarë të Barcelonës të shtrirë në bari duke vajtuar eliminimin e tyre në vërshëllimën e fundit.

“A është kjo foto shumë e fortë?”, pyeti ai, duke e shoqëruar frazën me tre emoji fytyrash që mbulonin gojën.

https://www.instagram.com/p/DVcIYf-ioUj/?utm_source=ig_embed&ig_rid=95f41294-617e-45ab-940e-1a64559de52d

Ndryshe, Atletico dhe Barcelona do të përballen me njëra-tjetrën pas një muaji, në fundjavën e 4 dhe 5 prillit, në La Liga.

Dy rivalët e mëdhenj mund të ndeshen edhe në Ligën e Kampionëve nëse fitojnë kundër Tottenham Hotspur, respektivisht Neëcastle United.