Lajme

Filipçe: Me LSDM-në, pagat u rritën edhe në kohë krize

Kryetari i Lidhjes Socialdemokrate të Maqedonisë, Venko Filipçe, theksoi se ndryshe nga VMRO-DPMNE-ja, e cila në kushte dhe kur nuk ka krizë nuk merr asnjë masë për të mbrojtur standardin e jetesës së qytetarëve, LSDM ka treguar në shtatë vjet se çfarë do të thotë kujdesi i vërtetë për çdo qytetar dhe sektorin privat.

“LSDM kishte shtatë vjet pushtet në të cilat pothuajse çdo vit kishte ndonjë krizë. Kishte krizën e Covid-it, kishte krizën energjetike, një krizë ekonomike. Dhe në të gjitha krizat treguam me veprime konkrete, me hapa konkretë se si mbrohen qytetarët. Pagat u rritën edhe në kriza të tilla”, tha Filipçe.

Ai kujtoi se LSDM mbrojti qytetarët me nëntë paketa antikrizë, ndihmoi kompanitë të jenë likuide.

“Kishim nëntë paketa masash antikrizë në vlerë prej 2.6 miliardë eurosh. U shpëtuan 80,000 vende pune në 20,000 kompani. Mbi 660,000 familje u mbrojtën me mbështetje në pagesën e faturave të energjisë elektrike. Ato familje nuk e ndjenë tronditjen e çmimeve”, tha Filipçe.

Filipçe shtoi se me LSDM-në si qeveri, për herë të parë, paga minimale u rrit tre herë, dhe paga mesatare gjithashtu u rrit paralelisht.

Lajme

“Merimanga” në aksion, largohen 135 makina në Qendër të Shkupit

135 makina të parkuara në mënyrë të parregullt janë larguar me automjetet speciale “Merimanga” në territorin e Komunës Qendër të Shkupit, gjatë javës së kaluar. Sipas Ndërmarrjes Publike “Parkingjet e Komunës Qendër”, automjetet janë larguar në periudhën nga 5 deri më 11 tetor, pasi pengonin zhvillimin normal dhe të sigurt të komunikacionit. Nga ndërmarrja njoftojnë se aksionet do të vazhdojnë çdo ditë, me qëllim rritjen e sigurisë në trafik dhe ndërgjegjësimin e shoferëve për parkimin e duhur.

Lajme

“Shpulla” rikthehet si mjet edukimi në bankat shkollore në Danimarkë

Qeveria e Danimarkës ka paraqitur një projektligj që do t’u lejojë mësimdhënësve të përdorin forcë fizike ndaj nxënësve në situata të caktuara, me qëllim ruajtjen e rendit dhe sigurisë në shkolla.

Sipas Ministrisë së Arsimit, ndërhyrja do të lejohet në rastet kur nxënësit pengojnë rëndë mësimin, rrezikojnë veten ose të tjerët, ushtrojnë dhunë fizike apo dëmtojnë pronën.

Forca fizike do të përdoret vetëm si masë e fundit, pasi të jenë provuar mënyra të tjera të ndërhyrjes. Ajo duhet të jetë proporcionale, sa më e butë dhe të zgjasë sa më pak.

Projektligji u paraqit në parlamentin danez më 8 tetor. Nëse miratohet, rregullat e reja pritet të hyjnë në fuqi në gusht të vitit 2027.
Propozimi ende nuk është miratuar.

Lajme

Digjet vetura zyrtare e zëvendësdrejtorit të Lotarisë Shtetërore

Një veturë zyrtare e Lotarisë Shtetërore të Maqedonisë, e përdorur nga zëvendësdrejtori i përgjithshëm Ahmet Miftari, është djegur gjatë natës, pas mesnate, në Shkup.

Informacioni është konfirmuar edhe nga Ministria e Punëve të Brendshme (MPB), e cila për median „Fokus“ bëri të ditur se bëhet fjalë për një automjet zyrtar të Lotarisë Shtetërore.

„Më 13.10.2026, në orën 02:12, në SPB Shkup, M.A. (42) nga Shkupi ka raportuar se në rrugën ‘Krste Asenov’ në Shkup ishte djegur një automjet i tipit ‘Beijing Beich’, me targa të Shkupit, në pronësi të Lotarisë Shtetërore të Maqedonisë, të cilin ai e kishte drejtuar më parë“, njoftojnë nga MPB.

Zjarri është shuar nga Brigada e Zjarrfikësve, ndërsa policia po ndërmerr masa për zbardhjen e plotë të rastit.