Lajme

Kasami: Izet Mexhiti është kandidati i vetëm për Çairin

Në hapjen solemne të shtabit zgjedhor në Çair, kryetari i Komunës së Tetovës, Bilall Kasami, u bëri thirrje të gjithë qytetarëve të bashkuar, burra dhe gra, të rinj e të reja, që të dalin në çdo lagje dhe të përkrahin kandidatin e vetëm të denjë për kryetar të Çairit, Izet Mexhitin., njofton SHENJA. Ai theksoi se mesazhi i tyre duhet të jetë i qartë: për Çairin ka vetëm një kandidat fitues.

“Kandidati tjetër, Bujar Osmani, mund të bëjë gjithçka, por jo kryetar të Çairit. Këtë e di më së miri vetë Bujari, i cili është futur në këtë garë,” tha Kasami, duke nënvizuar bindjen për fitoren e Izet Mexhitit në zgjedhjet lokale. /SHENJA/

Lajme

Ali Ahmeti i pranishëm në pritjen solemne për ditëlindjen e Mbretit Charles III

Kryetari i Bashkimit Demokratik për Integrim, Ali Ahmeti, ka marrë pjesë në pritjen solemne të organizuar nga Matthew Lawson, me rastin e ditëlindjes së Charles III.

Përmes një postimi publik, Ahmeti theksoi se ngjarja përbënte një mundësi të veçantë për të riafirmuar miqësinë e qëndrueshme dhe partneritetin e ngushtë ndërmjet Mbretëria e Bashkuar dhe Maqedonia e Veriut, njofton TS.

Ai vlerësoi gjithashtu kontributin e vazhdueshëm të Mbretërisë së Bashkuar në avancimin e proceseve demokratike, forcimin e institucioneve dhe mbështetjen e perspektivës euroatlantike të vendit.

Me këtë rast, Ahmeti përcolli urimet e tij më të sinqerta për Mbretin Charles III, duke i dëshiruar shëndet të plotë, mirëqenie dhe suksese të mëtejshme në ushtrimin e detyrave të tij shtetërore.

Lajme

Turqia emëron ambsador të ri në Shkup, ja kush është

Alper Aktas është emëruar ambasador i ri në Ambasadën e Turqisë në Shkup, raporton agjencia shtetërore e lajmeve Anadolu.

Sipas informacionit nga burime diplomatike, ministri i Jashtëm i Turqisë, Hakan Fidan u ka komunikuar detyrat e reja diplomatëve që do të shërbejnë në përfaqësitë e jashtme të Turqisë dhe që do të kryejnë detyrën e ambasadorit.

Në këtë kuadër, në Ambasadën në Shkup është emëruar Alper Aktas, i cili deri tani ishte ambasadori i Turqisë në Mogadishu.

Ambasadori aktual Fatih Ulusoy ishte në këtë detyrë që nga viti 2024./Zyrtare.net/

Lajme

Arrestohen në Shkup 5 turistë, shtetas të Turqisë

Policia ka arrestuar pesë shtetas turq në territorin e komunës së Aerodromit për qëndrim të parregullt në vend, bën të ditur Ministria e Punëve të Brendshme.

Aksioni është zhvilluar nga ora 09:00 deri në orën 12:00 nga nëpunës policorë të SPB Shkup, duke vepruar sipas planit të shërbimit për lajmërim – çlajmërim për muajin qershor.

Siç informon MPB, janë privuar nga liria M.E.S. (19), P.S. (23), J.S. (19), D.G. (25) dhe B.T.B. (20), të gjithë shtetas të Republikës së Turqisë.

Pas dokumentimit të rasteve, ndaj tyre do të parashtrohen kallëzime përkatëse.