Sport

Beqiri dhe Cake: Nesër kërkojmë tre pikët e para në Ligën e Konferencës

Shkëndija të enjten në Shkup luan ndeshjen e raundit të dytë dhe të parën si vendase në fazën kryesore të një kompeticioni Evropian, ndërsa para duelit me Shelbourne FC nga Irlanda para mediave folën trajneri Beqiri dhe mbrojtësi Cake.

Jeton Beqiri: “Është e rëndësishme që si ndeshja e parë që kemi para tifozëve tanë, tani më në fazën e Ligës së Konferencës të jemi shumë serioz në aspektin e paraqitjes. Mendoj se kishim mjaftueshëm kohë për tu përgatitur për këtë ndeshje dhe besoj me gjithë futbollistët që do të japin maksimumin, me ndihmën e publikut dhe ambientin që do të krijohet, shpresoj që pikë së pari, të bëjmë një paraqitje të mirë, ashtu siç jemi paraqitur edhe në fazën e eliminimit këtu në Shkup. Kam besim te skuadra dhe futbollistët që do të japin maksimumin dhe do të bëjnë paraqitje e cila do të na mundësoj që në fund të ndeshjes të dalim me tre pikë. Kemi të bëjmë me një kundërshtar, të cilin ne e njohim dhe i kemi ndjekur ndeshjet e tyre. Bisedohet për një futboll që është i kundërt me atë që luajmë ne, por gjithmonë duke pasur besim në kualitetet tona dhe futbollistët që posedojmë, shpresoj të dalim faqebardhë në fund të ndeshjes”.

Klisman Cake: “Normal që ekipin e shoh të motivuar shumë për këtë ndeshje, është diçka që kemi bërë histori. Mezi e prisnim të jetë ndeshja e parë në shtëpinë tonë. E presim publikun të jetë në numër sa më shumë për të na mbështetur në këtë ndeshje që të bëjmë histori. Në fushë do të hymë për tre pikët, pasi ai është qëllimi jonë. Ne në Europë e kemi treguar Shkëndijën e vërtetë, ti tregojmë cilësitë tona dhe ta japim maksimumin për tre pikët”.

Sport

Një mesfushor taktik/ Kasami, shqiptari që premton në futboll

Lavdrim Kasami, pak para se kombëtarja shqiptare U19 të zhvillojë tre ndeshje të rëndësishme kualifikuese për Evropianin, po stërvitet me një nga akademitë më të mira të futbollit në veri – U19 e Lyngby Boldklub.

Talenti i ri shqiptar Lavdrim Kasami po kalon një periudhë të rëndësishme në karrierën e tij. Mesfushori i Shkëndijës është aktualisht në Danimarkë, ku po stërvitet me ekipin U19 të Lyngby Boldklub, një nga akademitë më të respektuara në rajon për zhvillimin e lojtarëve të rinj.

Ky bashkëpunim vjen në një moment vendimtar për Lavdrimin, pasi përfaqësuesja shqiptare U19 po përgatitet për tre ndeshjet e ardhshme të kualifikimeve për Kampionatin Evropian dhe forma e tij aktuale është një sinjal pozitiv për stafin teknik të kombëtares.

“Është një mundësi fantastike dhe ky klub ka një histori të madhe në zhvillimin e lojtarëve të rinj që më pas bëhen emra të mëdhenj,” – tregon Lavdrim Kasami.“Kam filluar stërvitjet që nga e hëna dhe jam pritur shumë mirë. Po mundohem të tregoj anën time më të mirë dhe të ndihmoj skuadrën aty ku ka nevojë. Këtu në Lyngby, ka lojtarë shumë cilësorë dhe jam i lumtur që mund të mësoj nga ta.”

Në fushë, Lavdrim po dallohet për qetësinë me topin, inteligjencën taktike dhe përkushtimin në çdo seancë stërvitore. Trajnerët vlerësojnë aftësinë e tij për të lexuar lojën dhe për të mbajtur ekuilibrin në mesfushë – cilësi që janë të rralla për një lojtar të kësaj moshe.

“Gjithmonë hyj në fushë me mentalitetin që t’ia bëj të vështirë trajnerit, qoftë të klubit apo të kombëtares, kur vjen puna për të zgjedhur formacionin,” – shton ai, me buzëqeshje.

Nëse vazhdon me këtë ritëm dhe qasje profesionale, Lavdrim Kasami mund të bëhet një emër që do të dëgjohet shpesh, si në futbollin danez ashtu edhe në arenën ndërkombëtare.

Për momentin, fokusi i tij mbetet i qartë: të japë maksimumin çdo ditë dhe të ndihmojë aty ku ekipi ka më shumë nevojë — një qasje që e bën tërheqës si për Lyngby BK, ashtu edhe për kombëtaren shqiptare U19.

Sport

Erjona Jonuzi, kapitene dhe MVP që në javën e parë në Sllovaki!

Volejbollistja tetovare Erjona Jonuzi është rikthyer në Sllovaki për sezonin e saj të dytë me skuadrën VK Nove Mesto nad Vahom, që garon në “Extra Liga”, elita e volejbollit për femra në vend.

Falë nivelit të saj të lartë dhe përvojës së pasur në rolin e pasueses, Erjona ka fituar menjëherë besimin e stafit dhe shoqeve të ekipit, duke u emëruar kapitene që në fillim të sezonit. Në javën e parë, ajo u shpall MVP (lojtarja më e mirë e ndeshjes) në fitoren e pastër 0-3 në transfertë ndaj Elba Preshov, me paraqitje mbresëlënëse në organizimin e lojës.

Vlen të përmendet se sezonin e kaluar Erjona pësoi një dëmtim të rëndë, këputje të ligamentit të kryqëzuar (ACL) në gjurin e majtë, që e detyroi të ndërpriste garat, me parashikime mjekësore për rikuperim prej 10 deri në 12 muajsh.

Megjithatë, me shumë përkushtim, punë të palodhur dhe besim në vetvete, ajo u rikthye në fushë pas vetëm gjashtë muajsh, fillimisht me përfaqësuesen e Maqedonisë, pasi kampionati sllovak kishte përfunduar.

Sot, Erjona është plotësisht e rikuperuar dhe po shkëlqen sërish në parketet sllovake, duke treguar se vullneti dhe dashuria për sportin mund të mposhtin çdo pengesë.

Sport

Skandal nga serbët, nuk e vendosin flamurin shqiptar në Leskovc

Shqipëria nesër zhvillon përballjen e madhe dhe të shumëpritur ndaj Serbisë, në kuadër të kampanjës kualifikuese për Kampionat Botëror.
Kuqezinjtë tashmë janë në Serbi, ku në Leskovc pritet të luhet ndeshja vendimtare për pozitën e dytë në tabelë, shkruan Arbresh.info.
Një ditë para ndeshjes trajneri Sylvinho së bashku me futbollistët kanë dal në fushë për ta kryer stërvitjen e fundit.
Ajo çfarë ra në sy gjatë kësaj stërvitje të kombëtares, Federata e Futbollit të Serbisë, nuk e ka vendosur flamurin shqiptar në stadiumin “Duboçiça” të Leskovcit.
Në pamjet e siguruara nga gazetari i Top Channel, Endi Tufa, serbët janë munduar të justifikohen disi, duke shkruar në ekranin e madh të rezultateve: “Mirë se erdhët” në gjuhën shqipe, krahë gjuhës serbe dhe gjuhës angleze.

Kjo nuk është hera e parë që serbët bëjnë një gjë të tillë, pasi edhe në ndeshjen e 2014-tës të zhvilluar në Beograd ka ndodhur një ngjarje e tillë.
Ndeshja mes Serbisë dhe Shqipërisë luhet nesër me fillim nga ora 20:45.