Në disa portale të afërta me partitë e koalicionit me VV bëjnë të ditur se brenda rrethit të ngushtë të Lëvizja Vetëvendosje po finalizohet një nga vendimet më të rëndësishme politike të momentit, pasi kryeministri në detyrë Albin Kurti raportohet se tashmë e ka përcaktuar emrin që synon ta propozojë për postin e presidentit të vendit.

Sipas informacioneve që ka siguruar portali ‘Gazeta Minuti’, bëhet fjalë për një figurë që nuk vjen drejtpërdrejt nga politika aktive, por për një profesor universitar me reputacion të lartë publik, i cili shihet si emër konsensual, i pranueshëm jo vetëm brenda kampit të pushtetit, por potencialisht edhe për spektrin më të gjerë politik.

Burimet thonë se strategjia e Lëvizja Vetëvendosje është që kësaj radhe të shmanget një kandidat i profilizuar partiak, duke u orientuar drejt një personaliteti akademik e institucional, me synimin për të siguruar mbështetje më të gjerë në procesin e votimit.

Zhvillimi pritet të trazojë skenën politike në ditët në vijim, ndërsa mbetet të shihet nëse ky kandidat do të arrijë të marrë mbështetjen e nevojshme për t’u ulur në postin më të lartë shtetëror.

Numri i të vdekurve nga virusi Ebola kaloi shifrën 200 të enjten, ndërsa infeksionet u rritën në shpërthimin në Republikën Demokratike të Kongos në lindje, thanë të enjten Qendrat Afrikane për Kontrollin dhe Parandalimin e Sëmundjeve (Africa CDC) në një përditësim.

Rastet e konfirmuara të sëmundjes janë rritur në 875, përfshirë 202 vdekje që nga shpallja e shpërthimit më 15 maj, me një shkallë vdekshmërie prej 23%, treguan të dhënat e CDC-së për Afrikën.

Virusi po përhapet në provincat lindore të Iturit, Kivusë Veriore dhe Kivusë Jugore, me Iturin që përbën gati 95% të rasteve.

Ndërkohë, 19 raste, përfshirë dy vdekje, janë konfirmuar në Ugandën fqinje.

Kapaciteti i testimit dhe mbikëqyrja dixhitale janë shkallëzuar për të mbyllur boshllëkun e zbulimit, tha Qendrat për Kontrollin dhe Parandalimin e Sëmundjeve të Afrikës.

Drejtori i Përgjithshëm i Qendrave për Kontrollin dhe Parandalimin e Sëmundjeve (CDC) për Afrikën, Jean Kaseya, ka paralajmëruar se shpërthimi mund të jetë më i keq se ai që u pa në epideminë e Afrikës Perëndimore të viteve 2014-2016 që vrau më shumë se 11,000 njerëz në Guine, Liberi dhe Sierra Leone, nëse transmetimi nuk vihet nën kontroll shumë shpejt.

Ministri i Shëndetësisë i Kongos, Roger Kamba, vizitoi të enjten kryeqytetin provincial të Iturit, Bunia, për të vlerësuar progresin e reagimit, vështirësitë e hasura dhe strategjitë e reja për të përshpejtuar kontrollin e sëmundjes.

Shkencëtarët nga Departamenti i Laboratorit Kombëtar të Shëndetit dhe Shërbimeve Diagnostikuese të Ministrisë së Shëndetësisë të Ugandës dhe nga Instituti Kombëtar i Kërkimeve Biomjekësore i Kongos thanë se lloji aktual, Ebola Bundibugyo, erdhi nga një përhapje e re në jetën e egër, duke përjashtuar mundësinë që ai të mund të lidhet me një shpërthim të vjetër që mbeti i fshehur ose vazhdoi të përhapet pa u zbuluar.

Presidenti i SHBA-së, Donald Trump, ka deklaruar se nuk ka “asnjë kufi” për aftësinë e tij për të ushtruar pushtetin pas luftës SHBA-Iran, duke argumentuar se SHBA-ja ka “ushtrinë më të fuqishme në botë”, transmeton Anadolu.

Në një intervistë për Axios, të publikuar të enjten, Trump u pyet se çfarë kishte mësuar për ushtrimin dhe kufijtë e pushtetit presidencial si rezultat i konfliktit.

“Nuk ka kufij. Ende nuk e kam mësuar atë mësim. E di që ka, por nuk ka kufij. Ne i mposhtëm ata plotësisht ushtarakisht”, tha Trump.

“Ne kemi ushtrinë më të fuqishme në botë, pa asnjë krahasim. Kush tjetër mund të kishte bërë një bllokadë të tillë. Unë vendosa një bllokadë detare ku asnjë anije nuk ishte në gjendje të kalonte. Disa u përpoqën. Nuk ia dolën, e dini. Nuk zgjati shumë”, theksoi ai.

Kur u pyet nëse memorandumi i mirëkuptimit i nënshkruar këtë javë mes SHBA-së dhe Iranit përbënte “dorëzimin pa kushte” që ai fillimisht kishte kërkuar nga Teherani, Trump u përgjigj: “Epo, ndoshta në të vërtetë është një dorëzim pa kushte”.