Një kosovar vdes në vendin e punës në Itali

Një qytetar nga Kosova ka vdekur në vendin e punës në Itali.

Rasti ka ndodhur gjatë pasdites të së mërkurës, i cili duke përdorur një vinç të vogël, duke lëvizur paletat, ngarkesa që peshonte mbi një ton i ra përmbi, duke e lënë të vdekur.

Siç raportojnë mediat italiane, në vendin e ngjarjes kanë dalë menjëherë policia dhe autoambulanca, por që s’kanë mundur të bëjnë asgjë.

Prokuroria thuhet se ka hapur një hetim në lidhje me këtë, teksa kanë sekuestruar zonën e kantierit, vinçin dhe paletat.

Viktima është Nazmi Morina, i cili kishte gati 20 vjet që jetonte në zonën e Brescias: këtu kishte ndërtuar një të ardhme dhe një familje.

Ai jetonte në Rudiano me gruan dhe 4 fëmijët e tij./Klankosova.tv.

Rriten çmimet e sigurimeve për automjetet në Maqedoni

Nga dita e djeshme ka çmime të reja më të shtrenjta për policat e sigurimit për regjistrimin e automjeteve.

Çmimet e reja janë 15 për qind më të larta dhe vlejnë për automjete me fuqi mbi 44 kilovat (KW) dhe kamionë. Çmimi i sigurimit për automjetet me fuqi deri në 44 kilovat mbetet i njëjtë.
Pronarët e automjeteve me fuqi nga 44 deri në 55 kW do të paguajnë 6.292 denarë në vend të 5.453 denarë, sipas çmimeve të reja të sigurimit. Ata me automjete me motor nga 55 deri në 65 KW në vend të 6.166 denarë duhet të paguajnë 7.116 denarë, për automjetet me motor nga 66 deri në 84 KW në vend të 7.133 denarë të mëparshëm tani është 8.233 denarë, ndërsa nga 8.510 denarë, deri në 9.821 denarë, sigurimi për automjetet me motor nga 84 deri në 110 KW.
Sigurimi për automjetet me motor mbi 110 KW tani do të jetë 11.879 denarë, ndërsa deri më tani ishte 10.294.

Siç njoftuan kompanitë e sigurimeve, çmimet e reja hynë në fuqi më 25 prill.

Lajme

Votat e diasporës, Siljanovska 369, Osmani 182 vota

Janë publikuar rezultatet zyrtare të Komisionit Shtetëror të Zgjedhjeve nga raundi i parë i zgjedhjeve presidenciale. Nëse marrim parasysh vetëm votimin e diasporës, rezultatet tregojnë edhe një epërsi bindëse të kandidates së VMRO-DPMNE-së, Gordana Siljanovska Davkova me 369 vota, ndërsa kandidati i BDI-së, Bujar Osmani, ishte në pozitën e dytë me 182 vota. Presidenti aktual Stevo Pendarovski fitoi 175 vota nga diaspora.
Nga 2.569 votues, 158 votuan për kandidaten e së “Majtës”, Biljana Vankovska Cvetkovska, 66 i dhanë besimin Maksim Dimitrievskit nga Lëvizja ZNAM, 37 votues votuan për Arben Taravarin dhe i fundit në listë është Stevço Jakimovski nga GROM me 18 vota.
Siljanovska-Davkova fitoi para kandidatëve të tjerë presidencialë në Vjenë, New York, Sofje, Venecia, Bon, Stokholm, Detroit, Hagë, Çikago, Londër, Lubjanë dhe Pragë.
Osmani fitoi në Berlin, Mynih dhe Toronto. Pendarovski, nga ana tjetër, fitoi në Pekin dhe Uashington.

Ajo që është interesante për votimin në Lubjanë është se “beteja zgjedhore” është zhvilluar mes dy kandidateve femra. Këtu Siljanovska Davkova fitoi 52 vota dhe Vankovska 34.

Në ditën e zgjedhjeve, kandidati Stevçe Jakimovski kritikoi votimin në diasporë, pasi siç theksoi ai ishte ditë pune dhe qytetarët kishin problem të largoheshin nga puna.